Rökkvi fann kannabisefni við leit á flugvellinum

Helstu verkefni í síðustu viku hjá lögreglu voru þannig að eitt fíkniefnamál kom upp við hefðbundna leit á flugvellinum í Vestmannaeyjum merkti fíkniefnaleitarhundurinn Rökkvi á pakka sem við nánari skoðun innihélt kannabisefni. Sá sem átti von á pakkanum viðurkenndi að eiga efnið og telst málið því að mestu upplýst.

Í liðinni viku var lögreglu tilkynnt um að hundur hafi glefsað í hendi á póstburðarmanni þannig að póstburðarmaðurinn þurfti að leita sér læknisaðstoðar. Fékk hann fjögur sár á hægri hendi eftir vígtennur hundsins. Málið er í athugun hjá viðeigandi aðilum.

Einn ökumaður var stöðvaður í vikunni vegna gruns um ölvun við akstur. Þá var einn ökumaður stöðvaður vegna hraðaksturs en bifreið hans mældist á 70 km/klst. á Hamarsvegi en hámarkshraði þar er 50 km/klst.
11 kærur liggja fyrir vegna ólöglegrar lagninga ökutækja, ein kæra vegna aksturs án réttinda og ein kæra vegna vanrækslu á að nota öryggisbelti í akstri.

Nú styttist óðum í Þjóðhátíð og vill lögreglan af því tilefni minna foreldra og forráðamenn á að útivistareglurnar gilda jafnt á Þjóðhátíð sem og aðra daga. Þá er lögregla með mikinn viðbúnað vegna Þjóðhátíðar og bendir þeim sem þurfa aðstoð lögreglu að hringja í 112.

Húsasmiðjan – almenn auglýsing

Mest lesið