Níu frambjóðendur taka þátt í prófkjöri Sjálfstæðisflokksins í Suðurkjördæmi sem fram fer laugardaginn 29. maí nk. Kjörnefnd Sjálfstæðisflokksins í Suðurkjördæmi kom saman í gær og fór yfir framboð sem bárust áður en framboðsfrestur rann út. Voru þau öll úrskurðuð gild. Um er að ræða 3 konur og 6 karla. Meðalaldur frambjóðenda er 47 ár. Í prófkjörinu velja þeir sem taka þátt 5 frambjóðendur hver.
Frambjóðendur eru:
Ásmundur Friðriksson, alþingismaður, Reykjanesbæ
Björgvin Jóhannesson, fjármálastjóri, Sveitarfélaginu Árborg
Eva Björk Harðardóttir, oddviti Skaftárhrepps, Skaftárhreppi
Guðbergur Reynisson, framkvæmdastjóri, Reykjanesbæ
Guðrún Hafsteinsdóttir, markaðsstjóri, Hveragerði
Ingveldur Anna Sigurðardóttir, laganemi, Rangárþingi eystra
Jarl Sigurgeirsson, skólastjóri, Vestmannaeyjum
Margeir Vilhjálmsson, framkvæmdastjóri
Vilhjálmur Árnason, alþingismaður, Grindavík
Einnig má finna allar helstu upplýsingar um prófkjörið hér: https://xd.is/profkjor-i-sudurkjordaemi/
