Á laugardaginn útskrifaði Framhaldsskólinn í Vestmannaeyjum 35 nemendur sem luku námi af sex námsbrautum. Þar af voru fjórir sem útskrifuðust frá Fjölbrautarskóla Norðurlands Vestra sem . FÍV er í samstarfi við um nám í húsasmíði. Stúdentar í ár eru 23, þar af fimm sem um leið ljúka sjúkraliðabraut. Fimm luku námi á sjúkraliðabraut, tveir með B stig í vélstjórn og einn af starsbraut.
Var að venju fjölmenni við útskriftina sem fór fram í sal skólans. Voru verðlaun og viðurkenningar veittar fyrir góðan námsárangur. .
- Viðurkenningar
Akademía ÍBV og FÍV: Birta Líf Agnarsdóttir, Magnús Sigurnýjas Magnússon, Ragna Sara Magnúsdóttir, Sara Sif Jónsdóttir, Selma Björt Sigursveinsdóttir og Sigurlás Máni Hafsteinsson.
Verðlaun fyrir góðan árangur í dönsku sem Danska sendiráðið veitir fékk Birta Líf Agnarsdóttir. Viðurkenningu fyrir mjög góðan heildarárangur í félagsvísindagreinum á stúdentsprófi fékk Valgerður Elín Sigmarsdóttir. Verðlaun Efnafræðifélag Íslands fyrir mjög góðan árangur í efnafræði á stúdentsprófi fékk Arína Bára Angantýsdóttir. Drífandi stéttarfélag veitti Hafþóri Loga Sigurðssyni, Selmu Björt Sigursveinsdóttur og Magnúsi Sigurnýjasi Magnússyni verðlaun fyrir félagsstörf á vegum skólans.
Verðlaun skólans fyrir mjög góðan árangur í íslensku á stúdentsprófi fékk Karen Eir Magnúsdóttir. Menntaverðlaun Háskóla Íslands fyrir mjög góðan árangur á stúdentsprófi hlaut Birta Líf Agnarsdóttir.
Þá fékk hlaut Arína Bára verðlaun frá Íslenska stærðfræðifélaginu fyrir frábæran heildarárangur í stærðfræði.
Ragna Sara Magnúsdóttir, sem var með 8,9 í meðaleinkunn fékk viðurkenningu skólans fyrir mjög góðan heildarárangur á stúdentsprófi. Loks fékk Arína Bára Angantýsdóttir, sem var með 9,3 í meðaleinkunn viðurkenningu skólans fyrir frá frábæran heildarárangur á stúdentsprófi.
Skolinn dæmdur af nemendum sínum
„Í dag skiptið þið um hlutverk, úr því að vera nemendur hér við skólann, yfir í að verða fyrrverandi nemendur skólans,“ sagði Helga Kristín Kolbeins, skólameistari í ávarpi sínu til útskriftarnema.
„Ég verð að segja ykkur að skólinn er dæmdur af nemendum sínum, frammistöðu þeirra og hegðun. En það á ekki aðeins við nemendur sem eru í skólanum, heldur á þetta ekki síður við útskrifaða nemendur skólans. Þið fáið nú tækifæri til að taka virkan þátt í að skapa skólanum gott orð í framtíðinni. Það gerið þið með því að standa ykkur vel í námi og starfi og vera heil í öllu því sem þið gerið og ykkur er trúað fyrir. Sýnið samferðafólki ykkar og umhverfi virðingu og alúð og sýnið sjálfum ykkur þá virðingu að ganga ekki á rétt annara eða vera með einhver óþarfa leiðindi. Þið hafið staðið ykkur vel og verið skólanum til sóma.
Ég vona að þið eigið góðar minningar frá tíma ykkar hér í skólanum. Á framhaldsskólaárum kynnumst við oft á tíðum okkar bestu vinum sem við eigum ævilangt þótt leiðir skilji á vissan hátt nú við brautskráningu. Við sjáum á eftir ykkur og þið megið vita að ykkur fylgja góðar óskir og vissulega höfum við væntingar til ykkar. Við gleymum ykkur ekki þó að þið hverfið til annara verka og vonandi gleymið þið okkur ekki heldur. Ég veit að þið eigið ykkur drauma og væntingar um framtíðina, megi það allt rætast, en gefist ekki upp, þó móti blási. Við Eyjamenn vitum manna best að vindurinn er einungis logn á fleygiferð. Verið óhrædd við þau verkefni sem lífið færir ykkur,“ sagði Helga Kristín.
Fyrir hönd Framhaldsskólans í Vestmannaeyjum þakkaði hún nemendum samfylgdina og óskaði fararheilla hvert sem leiðir liggja.
,,Ágætu aðstandendur, velunnarar og gestir til hamingju með daginn, Það er að koma að lokum þessarar hátíðar. Ég þakka útskriftarnemum og Vestmannaeyjabæ fyrir blómagjafir,“ sagði Helga Kristín ð lokum..
