Grunnskóli Vestmannaeyja fékk nú í haust 450 plöntur frá Yrkju sem er Sjóður æskunnar til ræktunar landsins. Plöntunar voru gróðursettar af krökkunum í fyrsta, öðrum, þriðja, fjórða og fimmta bekk á miðvikudaginn.
Yrkja er sjóður sem úthlutar trjáplöntum til grunnskólabarna. Stjórnendur GRV sóttu til sjóðsins og fengu gefins plöntur. Ákveðið var að framkvæma gróðursetninguna í tilefni dags íslenskrar náttúru, sem er 16. september ár hvert.
Fjórði og fimmti bekkur gróðursettu loðvíði og jorfavíði við Framhaldsskólann en og fyrsti til annar. bekkur gróðursettu aspir bak við Íþróttamiðstöðina.
Krakkarnir voru mjög áhugasamir og gekk gróðursetningin vel.
Verkefnið var unnið í samstarfi fjölmenningarfulltrúa, stjórnenda GRV, garðyrkjufræðings Vestmannaeyjabæjar og Skipulags- og umhverfisfulltrúa. Auk þessa styrkti Vinnslustöð Vestmannaeyja verkefnið.
Tilgangur verkefnisins er að sýna börnunum okkar mikilvægi þess að gróðursetja tré á eyjunni okkar og líka að eyjan verði græn, gróin og falleg.
Vonast er til að þetta verkefni verði árlegt.
Af heimsíðu Vestmannaeyjabæjar, vestmannaeyjar.is þar sem má sjá fleiri myndir af gróðursetningunni.
