Ársreikningur Vestmannaeyjabæjar og stofnana hans fyrir árið 2023:
Íris Róbertsdóttir bæjarstjóri gerði grein fyrir ársreikningi Vestmannaeyjabæjar fyrir árið 2023 á síðasta fundi bæjarstjórnar. Er ljóst að staðan er góð. Er niðurstaða samstæðu bæjarins (A- og B- hluta) jákvæð um 564 milljónir króna sem er um 400 milljónum umfram áætlun og 530 milljónum betri en árið á undan. Rekstrarafkoma A- hluta er jákvæð um 231 milljónir og um 409 milljónum fyrir afskriftir og fjármagnsliði sem sýnir að rekstur bæjarins er sjálfbær í erfiðu rekstrarumhverfi sveitarfélaga.
Í fundargerð segir að fjárfestingar bæjarins hafi aukist á árinu og hafa allar verið fjármagnaðar af eigið fé og ekki hefur komið til lántöku. „Undanfarin ár hefur markvisst verið unnið að því að greiða niður skuldir bæjarsjóðs sem gerir það að verkum að skuldastaða bæjarins er töluvert betri en flestra annarra sveitarfélaga. A- hluti (sveitarsjóður) verður skuldlaus við fjármálastofnanir á yfirstandandi ári. Ársreikningurinn endurspeglar vel fjárhagslegan styrk sveitarfélagsins sem er vel í stakk búið að standa undir framtíðaruppbyggingu. Fjármálastjórnun bæjarins er fagleg, vel ígrunduð og með hagsmuni íbúa að leiðarljósi. Framtíðarhorfur samfélagsins eru bjartar,“ segir í bókun meirihluta H- og E-lista.
„Það er ljóst að samstillt átak bæjarstjórnar hefur skilað jákvæðri rekstrarniðurstöðu A- hluta fyrir 2023. Niðurstaðan 2022 var neikvæð og voru það mikil vonbrigði eins og fulltrúar Sjálfstæðisflokksins bentu á.
Niðurstaðan telst ásættanleg á tímum sem þessum þegar kröfur til sveitarfélaga eru meiri en oft áður, sér í lagi þegar litið er til þeirra ábyrgða sem ríkið hefur velt yfir á sveitarfélögin undanfarin misseri. Þrátt fyrir jákvæða niðurstöðu í A-hluta verður mjög krefjandi að fjármagna komandi verkefni bæjarfélagsins og brýnt að stöðugt sé leitað leiða til að auka skilvirkni í rekstrinum og veita góða þjónustu án þess að auka útgjöldin. Þar munum við leggja okkar af mörkum sem fyrr,“ lét minnihluti D-lista bóka.
Ársreikningur sjóða í A-hluta 2023:
Afkoma fyrir fjármagnsliði (jákvæð) kr. 176.276.000
Rekstrarafkoma ársins (jákvæð) kr. 231.428.000
Niðurstaða efnahagsreiknings kr. 14.402.948.000
Eigið fé kr. 8.138.832.000
Samstæða Vestmannaeyjabæjar
Afkoma fyrir fjármagnsliði (jákvæð) kr. 542.471.000
Rekstrarafkoma ársins (jákvæð) kr. 564.108.000
Niðurstaða efnahagsreiknings kr. 17.325.368.000
Eigið fé kr. 11.100.293.000
Ársreikningur Hafnarsjóðs Vestmannaeyja 2023:
Afkoma fyrir fjármagnsliði kr. 205.726.000
Rekstrarafkoma ársins kr. 230.026.000
Niðurstaða efnahagsreiknings kr. 2.647.997.000
Eigið fé kr. 2.423.721.000
Ársreikningur Félagslegra íbúða 2023:
Afkoma fyrir fjármagnsliði kr. 18.438.000
Rekstrarafkoma ársins kr. 0
Niðurstaða efnahagsreiknings kr. 903.140.000
Eigið fé (neikvætt) kr. -50.568.000
Ársreikningur Fráveitu Vestmannaeyja 2023:
Afkoma fyrir fjármagnsliði kr. 94.282.000
Rekstrarafkoma ársins kr. 66.850.000
Niðurstaða efnahagsreiknings kr. 730.518.000
Eigið fé kr. 477.892.000
Ársreikningur Vatnsveitu 2022:
Afkoma fyrir fjármagnsliði kr. 0
Rekstrarafkoma ársins kr. 0
Niðurstaða efnahagsreiknings kr. 320.000.000
Eigið fé kr. 0
Ársreikningur Herjólfs ohf 2023:
Afkoma fyrir fjármagnsliði kr. 55.360.000
Rekstrarafkoma ársins kr. 67.534.000
Niðurstaða efnahagsreiknings kr. 470.936.000
Eigið fé kr. 268.354.000
Ársreikningur Náttúrustofu Suðurlands 2023:
Afkoma fyrir fjármagnsliði (neikvæð) kr. -9.930.000
Rekstrarafkoma ársins (neikvæð) kr. -9.930.000
Niðurstaða efnahagsreiknings kr. 17.896.000
Eigið fé kr. 16.833.000
Ársreikningur Eyglóar eignarhaldsfélags ehf. 2023:
Afkoma fyrir fjármagnsliði kr. 2.320
Rekstrarafkoma ársins (neikvæð) kr. -21.800.000
Niðurstaða efnahagsreiknings kr. 612.162.000
Eigið fé (neikvæð) kr. -24.272.000
Samþykkt með níu samhljóða atkvæðum að vísa ársreikningi Vestmannaeyjabæjar og stofnana hans fyrir árið 2023 til síðari umræðu í bæjarstjórn og til endurskoðunar.
