Skip á vegum Hafrannsóknarstofnunar fundu í gær það sem talið er loðna í talsverðu magni suðvestur af Íslandi.

„Það dró aðeins til tíðina seinni partinn í gær,“ segir Guðmundur J. Óskarsson, sviðsstjóri hjá Hafrannsóknarstofnun var gestur í morgunútvarpi Rásar 2.

Hann tekur þó fram að leiðindaveður sé þar sem loðnuleitin fer fram og það torveldi leitina. Fengin voru uppsjávarskip sem eru á kolmunnaveiðum til að hjálpa við leitina í gær og fundu þau

„Þetta var í töluverður magni,“ segir Guðmundur. Tveimur skipum hefur síðan verið beint að staðnum til að mæla frekar.

„Við getum ekki fullyrt að þetta sé loðna, mögulega er þetta síld, en við teljum að þetta sé líklegast loðna,“ segir Guðmundur sem tekur fram að til standi að skoða staðinn betur í dag.

Lítið mælst í febrúar

Hafrannsóknarstofnun sendi frá sér til kynningu á mánudaginn að sáralítið af loðnu hefðist mælst í febrúar. Það var önnur yfirferð loðnumælinga á árinu

Miklar sveiflur hafa verið í loðnumælingum undanfarin ár. „Við erum sífellt í rannsóknum en það sem er erfiðast að skilja er hvað er að stjórna breytileika í nýliðun á stofninum,“ segir Guðmundur en mikill munur hefur verið á árgöngum loðnu undanfarin ár.

„Við eigum eftir að skoða þetta betur núa. Rannsóknarskipið Bjarni Sæmundsson er í sjórannsóknum fyrir austan. Þeir verða kallaðir í þetta verkefni núna. Við þurfum að fullvissa okkur að þetta sé loðna og ná sýni úr þessu,“ segir Guðmundur.