Siglir bikarinn heim í kvöld?
9. mars, 2024

ÍBV og Valur mætast í úrslitum Powerade-bikarsins í dag klukkan 16:00 í Laugardalshöllinni. Í undanúrslitum unnu Eyjamenn Hauka með sex marka mun, 33-27 og Valur vann öruggan 32-26 sigur á Stjörnunni.

Liðin hafa á liðnum árum háð margar spennandi úrslitarimmur en þó aldrei mæst í úrslitaleik í bikarkeppninni. Það verður að teljast merkilegt í ljósi þess að á síðustu 10 árum hefur bikarinn sjö sinnum endað í vörslu annars þessara liða.

ÍBV hefur fjórgang komið heim með bikarinn til Eyja það var 1991, 2015, 2018 og 2020. Stuðningsmenn liðsins eru alveg tilbúnir í heimsiglingu í kvöld með tilheyrandi fagnaðarlátum.

Valsliðið er ógnarsterkt og hefur átt gríðar góðu gegni að fagna á síðustu árum. Lið ÍBV hefur sýnt allar sínar bestu hliðar í Laugardalshöll og aldrei tapað bikarleik á þjóðarleikvangnum. Um 140 voru skráðir í hópferð á leikinn í gær þegar lokaði fyrir skráningu. Það er óhætt að hvetja Eyjamenn nær og fjær til þess að fjölmenna á leikinn í dag sem allt bendir til að verði hin besta skemmtun. Fyrir aðra þá verður leikurinn í beinni á RÚV.

Facebook
X
LinkedIn
Pinterest
Reddit
Email
Print
Skoða blaðið á netinu
Forsida 5 Tbl EF
5. tbl. 2025

NÝBURAR

76e2af77 02d9 48eb B73a 24c32e2403ac
4. janúar 2025
Drengur
Landspítalinn, Reykjavík.
Katrín Rós Óðinsdóttir og Sæþór Örn Garðarsson.
Mest lesið
Fylgstu með

Skráðu þig á fáðu nýjustu tilkynningar fyrst

Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.