Eru Eyjamenn að springa út?

Eyjafréttir
·
Fréttir
·
19. júní 2007

Leikurinn fór frekar rólega af stað en fyrsta markið kom á 21. mínútu og það skoraði Anton eftir góða fyrirgjöf frá hægri. Anton kom aðvífandi á fjærstöng og skallaði boltann snyrtilega í boga yfir markvörð Stjörnunnar, vel gert og Eyjamenn komnir í 1:0. Fleiri urðu mörkin ekki í fyrri hálfleik, bæði lið fengu færi en staðan 1:0 þegar þau gengu til búningsherbergja.

Atli Heimisson átti svo tilþrif leiksins þegar hann hreinlega lék sér að fjórum varnarmönnum Stjörnunnar á 50. mínútu og átti svo hnitmiðað skot sem hafnaði í stönginni, sannarlega óheppinn að skora ekki. Aðeins fjórum mínútum síðar kom annað mark leiksins. Eyjamenn fengu hornspyrnu sem Stjörnumenn hreinsuðu burt en beint á Pétur Runólfsson sem tók boltann á kassann og þrumaði honum svo í markið, stórglæsilegt mark.

Eftir þetta lögðu Eyjamenn áherslu á að gefa ekki færi á sér og fá ekki á sig mark og það gekk ágætlega, Stjarnan skapaði sér fá veruleg marktækifæri. Eyjamenn beittu svo stórhættulegum skyndisóknum sem báru árangur í uppbótartíma en þá fékk Anton stungusendingu inn fyrir vörn gestanna, þar hljóp hann af sér einn varnarmann Stjörnunnar og lagði boltann svo í netið. Vel útfærð skyndisókn hjá ÍBV og lokatölur 3:0.

�?�?etta var bara ótrúlega skemmtilegt. Við lögðum upp með að liggja til baka og sækja svo hratt á þá og það gekk fullkomlega upp,�? sagði Anton Bjarnason, maður leiksins.
En ertu búinn að bíða eftir tækfæri til að sýna þig?
�?Ekkert frekar. Við spiluðum bara vel í kvöld og það var gaman að skora tvö mörk en þetta var sigur okkar allra. Við þurfum bara að taka hvern leik fyrir sig, það er leikur á föstudaginn og svo aftur á mánudaginn og við ætlum að vinna þá,�? sagði Anton.

Eins og áður sagði léku Eyjamenn vel í kvöld og allt annað að sjá til liðsins í kvöld og gegn KA á laugardag. Anton Bjarnason kom virkilega sterkur inn í byrjunarliðið og var síógnandi á vinstri kantinum. �?á sást til gamalkunnra takta hjá Yngva Borgþórssyni á miðjunni en í raun spiluðu allir vel hjá ÍBV. Ennfremur hélt ÍBV markinu hreinu fimmta leikinn í röð sem er ekki lítið afrek, auk þess að vera búnir að finna netmöskvana.

ÍBV spilaði 4-5-1

Hrafn Davíðsson, �?órarinn Ingi Valdimarsson, Bjarni Hólm �?lafsson, Páll Hjarðar, Pétur Runólfsson, Anton Bjarnason, Yngvi Borgþórsson, Andri �?lafsson, Jonah D. Long, Bjarni Rúnar Einarsson, Atli Heimisson.

Mörk ÍBV: Anton Bjarnason (2), Pétur Runólfsson.

Nýjustu fréttir

Herjólfur

Herjólfur í Þorlákshöfn í dag og á morgun

Fréttir

Orkumálin til skoðunar hjá ráðherra

Skólamál

Dagvistunarmál til umræðu á fundi fræðsluráðs

Aðsend grein

Veit Inga hvað hún syngur?

Aðsent

Norðurinngangur við sjúkrahúsið opinn á ný

Hvíslið

Viðhorf til bæjarstjóra í brennidepli í nýrri könnun

Fréttir

Vinnustofur í stað líkamsræktar?

Myndband

Glacier Guys með nýtt föstudagslag

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki