Þrjár landsliðskonur í knattspyrnu, Margrét Lára Viðarsdóttir, Guðbjörg Gunnarsdóttir og Guðný Björk Óðinsdóttir, allar úr Val, fara á morgun til Bandaríkjanna til æfinga hjá einu sterkasta félagsliði heims, FC Indiana.

Þetta kemur fram á Fótbolti.net í dag en stúlkurnar munu æfa með FC Indiana út vikuna og koma aftur heim á Þorláksmessu. FC Indiana er í fimmta sæti á styrkleikalista félagsliða í heiminum og er þriðja sterkasta lið Bandaríkjanna, samkvæmt þeim lista.