Fyrir rétt um tveimur vikum fóru um 25 Íslendingar á ráðstefnu hjá Toronto Airport Christian Fellowship í Kanada sem er kirkja í borginni Toronto. Í þessum hópi voru mæðginin Árný Heiðarsdóttir og Guðjón Ólafsson sonur hennar.
 
Í samtali www.eyjar.net við Árnýju segir hún okkur frá upplifum sínum og því þegar gull óx úr lófa hennar.
 

Hvað varð til þess að þið fóruð út til Kanada?
“Mikið hefur talað um þá vakningu sem hefur átt sér stað í þessum söfnuði í Kanada að undanförnu. Lindin hefur fjallað um málið og það var þar sem ég heyrði af þessari ráðstefnu. Ég hringdi í Gaua og sagði við hann að við yrðum að skella okkur út og sjá hvað væri í gangi í þessum söfnuði. Þarna voru einhver þúsundir einstaklinga samankomin í stóru íþróttahúsi til að lofa Drottinn og krafturinn var gríðarlegur.”
 
Upplifði kraftaverk og sá stórkostlega hluti gerast
“Í þessari ferð upplifði ég stórkostlega hluti, þarna inni var gríðarlegur lækningarmáttur og andi Drottins var greinilega að vinna í fólkinu þarna. Við fylltumst öll af heilögum anda og ég hef aldrei upplifað annan eins kraft og blessun. Þarna læknaðist m.a. maður sem var með krabbamein í tungunni og haldinn illum anda og fékk hann lækningu á staðnum”
 
Nú segist þú hafa séð gull vaxa úr líkömum fólks og þú sást gull vaxa úr lófa þínum, hvernig gerðist þetta?
“Það kemur til mín ung kona frá Toronto þar sem við erum að dansa og lofa Drottinn og hún sýnir mér hendur sínar og þar sé ég að þær eru þaktar gulli. Ég stoppa og stari á þetta í langan tíma og ætlaði ekki að trúa því sem ég sá. Við þetta lít ég í lófann minn og sé þá að gull er byrjað að vaxa þar, þetta byrjar smátt en verður alltaf meira og á endanum eru báðir lófar mínir þaktir gullryki.
Ég öskraði á Gaua til að sýna honum þetta og hann spurði hvort eitthvað væri að. Þegar hann sér hvað er að gerast þá sjáum við hvar gullið vex úr höndunum hans líka.”
 
Fengu allir í salnum að upplifa svipað og þið með gullið?
“Nei, sumir fengu að upplifa þetta kraftaverk en aðrir ekki en allir sáu þetta gerast. Stundum voru það t.d. annar makinn sem fékk þetta en hinn ekki”
 
Nú tókstu með þér heim sýni til að sanna mál þitt og þú settir það í rannsókn, hvað hefur komið út úr þeim rannsóknum?
“Ég byrjaði á því að fara á gullbúð á laugarveginum og sá fyrsti sagði að þetta væri eins og masínt glimmer og málmur sem er notaður í trompet. Næst fer ég til gullsmiðsins “Jón og Óskar” á laugaveginum og bið þá að athuga fyrir mig hvað þetta gæti verið. Þar var sýnið sett í sýru og ef það er óekta þá bráðnar sýnið eins og skot en það gerði það ekki eftir sýrubaðið.
Þeir sögðu þar að þetta gæti verið pírit steinn eða gull en hvatti mig að fara með þetta í rannsókn til Nýsköpunarmiðstöð Íslands ef ég vildi vita nákvæma niðurstöðu.”
 
Sýni rannsökuð hjá Nýsköpunarmiðstöð Íslands
Hvaða niðurstöður komu úr rannsóknum Nýsköpunarmiðstöðvar?
“Sá sem ég hitti þegar ég kom í Nýsköpunarmiðstöðina tók sýni og setti í smásjá og sagði að þetta væri eins og sex strengjahliða steinar. Ég fæ að skoða þetta og þetta var svo fallegt, þetta var svart og gull í kringum þetta og fjórir steinar fastir saman.
Samkvæmt frumefnagreiningu Nýsköpunarmiðstöðvar eru sýnin samsett úr fjórum frumefnum og hafa þeir ekki séð svona samsetningu áður.”
 
 
Kraftaverk á AGLOW fundi
Nú gerðist það aftur á fundi AGLOW kvenna í Vestmannaeyjum að gullið byrjaði að vaxa í lófa þínum á ný, hvernig gerðist það?
“Ég kem til eyja á þriðjudagskvöldi og fer á AGLOW fund á miðvikudagkvöldi og þar segi ég konunum frá ferð minni til Kanada. Svo í lofgjörðinni gerist það að þetta byrjar aftur að vaxa í höndunum á mér. Og þegar ég lít niður þá er þetta byrjað að sáldrast niður á skóna mína. Og konurnar þarna sáu hvað var að gerast og gátu þær tekið gullið upp úr gólfinu og skoðað. Þetta sannar án alls vafa að Guð er til”.