Vinnslustöðin: Vilja hluthafafund

Eigendur rúmlega þriðjungs hlutafjár í Vinnslustöðinni í Vestmannaeyjum krefjast þess að hluthafafundur verði haldinn hið fyrsta og að ný stjórn verði kosin. Í síðustu viku samþykkti hluthafafundur að afskrá Vinnslustöðina í Kauphöllinni.

Það er óhætt að segja að það hafi ríkt hálfgert stríðsástand í Eyjum í vor þegar Stilla, félag í eigu Guðmundar Kristjánssonar í Brimi og bróður hans Hjálmars Kristjánssonar, gerði yfirtökutilboð í félagið og bauðst til að kaupa á genginu 8,5. Áður höfðu Eyjamenn ehf. gert yfirtökutilboð á genginu 4,6.

Eyjamenn ráða yfir rétt rúmlega helmingi hlutabréfa. Ekkert varð úr yfirtöku því enginn var tilbúinn að kaupa af Stillu m.a. vegna ótta við að Guðmundur í Brimi hygðist fara með kvóta burt frá Eyjum. Vinnslustöðin ræður yfir um þriðjungi af kvóta Vestmannaeyja.

Til að gera langa sögu stutta dró til tíðinda í síðustu viku þegar meirihluti hluthafafundar, um 60%, samþykkti að afskrá félagið í Kauphöllinni. Stilla sem ræður yfir þriðjungshlut leggst eindregið gegn því að félagið verði afskráð.

Samkvæmt heimildum fréttastofu Útvarps hefur Stilla nú krafist þess að boðað verði til nýs hluthafafundar og að ný stjórn verði kosin. Stillumenn óttast að með afskráningu verði hlutur þeirra gerður verðlaus. Eyjamenn hafa lofað því eftir afskráningu að kaupa hluti einhverra hluthafa en Stillumenn telja að þeir séu ekki meðal þeirra.

Stilla telur beinlínis að stjórnendur Vinnslustöðvarinnar sem tengjast Eyjamönnum ehf., og ráða yfir helmingi hlutafjár, hafi beitt félaginu í sína eigin þágu. Það hafi þeir m.a. gert með samningum við VÍS og Kaupþing.

Stilla vill fá skýr svör á hluthafafundinum um viðskipti þeirra við þessi félög. Þeir telja líka að samið hafi verið við einhverja starfsmenn um umboðslaun eða þóknun vegna sölu á afurðum. Á hluthafafundinum verði upplýst um umfang þessara greiðslna og um hve háar upphæðir sé að ræða. Farið er fram að fundurinn verði haldinn innan tveggja vikna.

Nýjustu fréttir

Áhugavert
45 nemendur útskrifuðust frá FÍV
Fréttatilkynning
Eldri hjón deila 336 milljónum með börnum og barnabörnum
Þjóðhátíð
Hipsumhaps á Þjóðhátíð
Sjávarútvegur
Stuttir túrar skiluðu góðum afla
Ísfélagið
Loðnan skilaði sjómönnum milljónum á fáeinum vikum
Fréttir
Fólk hvatt til að tryggja sér miða í forsölu
Aðsend grein
Ekkert gert í átta ár í Landeyjahöfn en nú er hlaupið til
Fréttir
Aldursmörk fyrir læknisvottorð hækka úr 65 í 75 ár
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.