Þórður Rafn Sigurðsson, formaður Útvegsbændafélags Vestmannaeyja, er mjög óhress með frumvarp Jóns Bjarnasonar, sjávarútvegs- og landbúnaðarráðherra um veiðar á skötu­sel. „Þetta, að taka eina sort út úr og hefja fyrningarleið á tegund sem fer 80% fram úr ráðgjöf Hafrannsókna­stofnunar, er með ólíkindum. Þetta er klæðskerasaumað fyrir Grétar Mar því það eru u.þ.b. tveir mánuðir síðan hann keypti sér skötusels­úthald. Fyrrverandi Frjálslyndi flokk­urinn getur vaðið uppi með Guðjón A. Kristinsson sem ráðgjafa í ráðuneytinu og Grétar sagði sjálfur í sjónvarpsfréttum að hann væri vel kunnugur Jóni Bjarnasyni ráðherra og gæti fengið upplýsingar beint frá honum.“