Golfvöllurinn í Eyjum hefur verið tilnefndur til verðlauna á World Golf Awards 2026, sem teljast meðal virtustu alþjóðlegu viðurkenninga í heimi golfíþróttarinnar. Kom þetta fram á heimsíðu Golfklúbbs Vestmannaeyja.

Völlurinn fær tilnefningu í tveimur flokkum, annars vegar sem besti golfvöllur Evrópu og hins vegar sem besti golfvöllur Íslands 2026. Tilnefningar eru byggðar á mati fagfólks í golfgreininni.

Atkvæðagreiðsla vegna verðlaunanna er nú hafin og stendur til miðnættis 1. október 2026. Bæði almenningur og þeir sem starfa innan golfferðaþjónustu geta tekið þátt í kosningunni. Hægt er að greiða atkvæði hér:
https://worldgolfawards.com/news/article/239/world-golf-awards-opens-2026-voting

Tilnefningin er mikil viðurkenning fyrir starf Golfklúbbs Vestmannaeyja og þann öfluga stuðning sem félagið nýtur frá félagsmönnum, gestum og heimafólki.