Á morgun, laugardag mun KFS taka á móti Árborg í fyrstu umferð úrslitakeppni 3. deildar karla. KFS endaði í öðru sæti í B-riðli á meðan Árborg vann A-riðil mjög örugglega, tapaði aðeins einum leik í sumar, gerði eitt jafntefli og má því búast við erfiðum róðri hjá Eyjamönnum. En þeir þekkja það manna best að í úrslitum getur allt gerst en leikur liðanna hefst klukkan 15:30 á Hásteinsvelli og rétt að hvetja Eyjamenn til að styðja við sitt lið í 3. deildinni.