Lundaballið fór fram með pompi og prakt í Höllinni á laugardags­kvöldið þar sem gestir voru um 400. Álseyingar tóku vel á móti gestum, klæddir í kjól og hvítt heils­uðu þeir fólki og voru aldeilis flott­ir þegar þeir stigu á stokk og hófu upp sína raust, rétt eins og þaul­æfður karlakór í anda Fjalla­bræðra og sneru „Ísland er land þitt“ upp á Álsey og sungu líka „Höldum Lundaball“. Það gerist varla flottara og allir geisluðu Álseyingar af karlmennsku og ­hressileika er þeir hófu dagskrána.