Stórtónleikarnir „Hljóð í Leikhús­ið“ verða haldnir í Höllinni næstkom­andi Laugardagskvöld. Af nógu verður að taka á tónleikunum þar sem öll bestu lög úr verkum Leik­félags Vestmannaeyja verða flutt, flest af upprunalegum flytjend­um. Tónleikarnir eru burðar­ásinn í söfnun fyrir hljóð­kerfi í Bæjar­leikhúsið en hingað til hefur þurft að leigja slík kerfi og var kostnaðurinn við það á síðasta leikári um 1.8 milljónir króna. Mun það gerbreyta rekstri Leikfélagsins þegar slíkt kerfi verður komið fast inn í þetta elsta áhugamannaleikhús landsins. Slíkt kerfi er jafn mikilvægt í leikhúsi eins og fótbolti í fótboltaleik eða skíði á skíðamót.