Þjóðhátíðin er handan við hornið og kominn tími á að láta frá mér þetta bréf sem ég ákvað að skrifa fyrir um ári síðan. Barningur um stæði fyrir hústjöldin í Herjólfsdal er eitt af því sem mér hefur alltaf fundist frekar leiðinlegur partur undirbúnings fyrir Þjóðhátíðina. Helsta ástæða þess er kannski sú að frá því ég man eftir mér hefur enginn farið eftir settum reglum þegar að þeim þætti kemur. Í áraraðir hundsuðu menn auglýstan tjöldunartíma og læddust t.d. með súlurnar í skjóli myrkurs til að ná góðu stæði.