Flug milli Vestmannaeyja og Bakka �?? Vilt þú stuðla að bættum samgöngum
Atlantsflug var stofnað árið 2004 til að bjóða upp á flugþjónustu fyrir ferðamenn sem sækja landið heim. Atlantsflug gerir út 3 starfstöðvar sem eru á Reykjavíkurflugvelli, í Skaftafelli og á Bakka flugvelli.
Atlantsflug hefur í dag 3 flugvélar í rekstri og þar af eru tvær þeirra tveggja hreyfla Piper PA31 flugvélar sem taka annars vegar 8 farþega og svo 6 farþega miðað við að tveir flugmenn séu í áhöfn. �?nnur þeirra er Vestmannaeyjingum vel kunn í leigu og sjúkraflugi út frá Vestmannaeyjum í gegnum árin. �?á er félagið með mjög öfluga einshreyfils flugvél sem tekur allt að 6 farþega og er hugsuð til að þjóna suðurlandi.
Í ljósi þeirra aðstæðna sem hafa verið í samgöngumálum milli lands og eyja viljum við leggja okkar að mörkum með því að fullkanna þann möguleika að halda flugleiðinni Vestmannaeyjar �?? Bakki opinni allt árið um kring.
Til að skapa þann grundvöll sem þarf til að halda þessari flugleið opinni verður það að gerast í samvinnu við fyrirtæki og hagsmunaaðila í Vestmannaeyjum.
Við sjáum fyrir okkur að fyrirtæki og hagsmunaðilar á svæðinu sameinist í gerð samnings við okkur um nýtingu á 5000 sætum á 12 mánaða tímabili. Með tilkomu svona samnings er verið að tryggja fasta viðveru og þjónustu á þessari flugleið sem opnar þá fyrir enn einn valmöguleika fyrir þá sem þurfa að fara á milli Eyja og lands. Svo dæmi séu tekin þá sýna kannanir að meirihluti ferðamanna sem koma til Vestmannaeyja eru dagsferðamenn eða um 75%, sem skildu eftir sig 1,9 milljarða í Vestmannaeyjum.
Á móti kemur að Atlantsflug gerir Vestmannaeyjar að aðal starfsstöð á suðurlandi í stað Bakkaflugvallar í dag. Atlantsflug staðsetur flugvélar í Vestmannaeyjum allt árið um kring ásamt flugmönnum. Félagið staðsetur í Vestmannaeyjum tveggja hreyfla flugvél til að nota á flugleiðinni sem tryggir fleiri flugdaga. Með staðsetningu flugvélar og flugmanna í Vestmannaeyjum opnast nýjir möguleikar fyrir heimamenn og það sem er meira vert er að valmöguleikar aukast.
Með þessu bréfi köllum við eftir því hvort áhugi sé fyrir hendi meðal fyrirtækja og hagsmunaaðila í Vestmannaeyjum um að halda þessari flugleið opinni og hvetjum þá sem vilja vinna þetta með okkur að hafa samband símleiðis í 854-4105 eða með því að svara þessum tölvupósti frá okkur.

Nýjustu fréttir

Myndband
Slá ekki slöku við
Stjórnmál
Íris bæjarstjóraefni Sjálfstæðisflokksins
Menning
Útgáfutónleikar Vina og vandamanna: Eyjalögin lifa áfram
Áhugavert
Sjolag.is í stað veður- og ölduspár á netinu
Menning
ÞESAL – Partýljón, teiknimyndir, djamm og djús
Menning
Lúðrasveitir sameinast með stórstjörnum í Hörpu
Íþróttir
Kvennalið ÍBV semur við markmann frá Kanada-Guyana
Íþróttir
Tap hjá Arnari og íslenska landsliðinu gegn Færeyjum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.