Alex Cerdeira, leikmaður ÍBV og stjórn knattspyrnudeildar hafa komist að samkomulagi um að leikmaðurinn yfirgefi herbúðir liðsins. Alex lofaði góðu í vorleikjum liðsins en hefur verið meiddur síðan tímabilið hófst og útséð með þátttöku hans í Íslandsmótinu. Þetta kemur fram í tilkynningu stjórnar knattspyrnudeildar á heimasíðu ÍBV sem má lesa hér að neðan. Samkvæmt heimildum Eyjafrétta er ætlunin að fá tvo leikmenn til reynslu frá Suður-Afríku með það í huga að semja til lengri tíma við þá.