Samverustundir Umhverfis Suðurland

Mikið hefur verið fjallað um neyslu, óþarfa og streytu undanfarið og er þá sérstaklega horft til hátíðanna sem framundan eru. Umhverfis Suðurland hvetur til samveru og notalegra stunda á aðventunni og leggur hér fram nokkrar hugmyndir að vistvænum föndurstundum sem hægt er að skipuleggja með fjölskyldu og vinum eða stærri hópum. Gaman er að segja frá því að í Gömlubúð á Höfn í Hornafirði er til dæmis boðið til jólastundar og kortagerðar með listamanni úr heimabyggð. Í kortagerðina verður notast við hráefni sem fallið hefur til af listastofu, heimili eða náttúru.

Aðrar hugmyndir að jólaföndri fyrir alla eru til dæmis:

Pokasaumur. Pokastöðvar eru starfrækar víðsvegar um landið og lítið mál að stofna slíka. Pokastöðvarnar sauma fjölnota taupoka úr gömlum stuttermabolum eða öðru efni og gefa samfélaginu til notkunnar í verslanir. Allir geta tekið poka, notað og skilað svo aftur út í samfélagið. Fjölnota taupokar er einnig hægt að nýta í vistvænar gjafaumbúðir um jólin.

Kertagerð úr afgangs vaxi er skemmtileg afþreying en einnig er hægt að gefa heimatilbúnu kertin í jólagjafir, ef til vill eiga fyrirtæki á svæðinu kertaafganga sem hægt væri að nýta. Steypa má kerti í krukkur eða annað sem til er á heimilinu.

Jólakransagerð úr könglum og gömlu eða heimatilbúnu skrauti er fallegt að hengja á útidyrahurðina. Karamellukransarnir eru alveg dottnir úr tísku með öllum sínum umbúðum.

Heimatilbúið jólaskraut má búa til úr ýmsum hlutum sem finnast á heimilinu. Þurrkaðar epla- og appelsínusneiðar príða sér vel á jólatrjám og krönsum og poppkorn þrædd á þráð minna á snjókorn. Ilmurinn af negulskreyttum appelsínum minnir marga á jólinn og er lítil fyrirhöfn.

Gaman væri að sem flestir leyfi sköpunarkröftum sínum að njóta sín á aðventunni og skipuleggi viðburði fyrir fleiri að njóta með sér. Hafir þú eða þinn félagsskapur áhuga á að skipuleggja vistvænan viðburð hafið endilega samband við Umhverfis Suðurland og munið eftir #umhverfissudurland

Nýjustu fréttir

Íþróttir
Kvennalið ÍBV semur við markmann frá Kanada-Guyana
Íþróttir
Tap hjá Arnari og íslenska landsliðinu gegn Færeyjum
Vinnslustöðin
Engin lognmolla í nýju starfi
Aðsend grein
Samgöngur við Vestmannaeyjar – framtíðarsýn eða bráðabirgðalausnir?
Íþróttir
Atli Steinn Arnarson semur við ÍBV
Áhugavert
World Class mun rísa samhliða búningsklefunum
Úr blaði Eyjafrétta
Skvísubúðin fagnar vori og sumri með fjölbreyttu vöruúrvali 
Íþróttir
Stelpurnar æfa af krafti fyrir úrslitakeppnina
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.