Áhugaverðir punktar úr fjárhagsáætlun 2019

Eyjafréttir
·
Stjórnmál
·
7. desember 2018

Lækkun fasteignaskatts
Afar ánægjulegt er að tekist hafi að ná í gegn lækkun á fasteignaskatti. Við fyrri umræðu bæjarstjórnar um fjárhagsáætlun var lögð fram tillaga af fulltrúum Sjálfstæðisflokksins að fasteignaskattur yrði lækkaður. Sú tillaga náði fram að ganga og hefur nú verið samþykkt.

Stækkun Hamarskóla
Aðrar tillögur Sjálfstæðisflokksins sem náðu fram að ganga og skipta verulegu máli var tillaga um að skoða fýsileika þess að stækka Hamarskólan. Einnig náðist í gegn að hækka aldursviðmið frístundastyrks úr 16 árum upp í 18 ár.

Niðurfelling fasteignaskatts
Sú tillaga sem var ekki tekið vel í var tillaga Sjálfstæðisflokksins um að halda áfram að fella niður fasteignaskatt á 70 ára og eldri líkt og tíðkast hefur undanfarin ár. Það er miður að fulltrúar H-listans og E-listans hafi gefist upp í þeirri baráttu við ríkið, eftir að fulltrúar Sjálfstæðisflokks og E-lista höfðu staðið sameiginlega að þeirri ákvörðun undanfarin ár. Þessi niðurfelling kom sér afskaplega vel fyrir það fólk sem hefur byggt upp samfélagið og hefur orðið fyrir tekjumissi við starfslok.

Góður grunnur
Ábyrg fjármálastjórnun hefur verið aðalsmerki Sjálfstæðisflokksins í Vestmannaeyjum og er að mati bæjarfulltrúa Sjálfstæðisflokksins án efa forsenda að framþróun og vexti samfélagsins. Skynsamar ákvarðanir m.a. við sölu á hlut bæjarins í HS, uppgreiðslu erlendra lána og sífelldu aðhaldi í rekstri hafa skapað forsendur til möguleika á bættri þjónustu, að draga úr álögum á íbúa og stofna til nýframkvæmda sem eru til þess fallnar að bæta aðstöðu og upplifun íbúa og gesta Vestmannaeyjabæjar.

Haldið áfram með fyrri verkefni
Þess vegna er ángæjulegt að flestar af þeim tillögum varðandi framkvæmdir næstu ára náðu fram að ganga í fjárhagsáætlun og er verið að klára og halda áfram með öll þau verkefni sem var búið að setja í gang. Til að nefna eitthvað þá er ég sérstaklega ánægður með að það á að fara í af myndugleika í miklar endurbætur á skólalóðunum eftir að vinnu lauk nýverið í samráði við skólstjórnendur um fyrirkomulagið á skólalóðunum. Einnig á að fara í framkvæmdir við búningsklefa í Týsheimilið sem mun stórbæta aðstöðu. Það hafa því verið forréttindi og eru forréttindi að sitja í bæjastórn sem hefur tækifæri til að framkvæma af slíkum myndugleika sem verið hefur og að það séu forsendur til að gera það áfram.

Trausti Hjaltason

Bæjarfulltrúi Sjálfstæðisflokksins.

Nýjustu fréttir

Fréttir

Karlar hvattir til að sýna handverk

Stjórnmál

Guðbrandur Einarsson segir af sér þingmennsku

Áhugavert

Mikill áhugi á Eyjagöngum

Aðsent

Saltfisksala hjá meistaraflokkum ÍBV

Íþróttir

ÍBV með mikilvægan sigur á ÍR

Fréttatilkynning

Kveikjum neistann: Jákvæðar vísbendingar

Aðsend grein

Hvattning til Eyjamanna

Vestmannaeyjabær

Heilsuefling starfsfólks fær aukið vægi

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki