567 heimili komin með tengingu

Eyjafréttir
·
Almennt
·
16. febrúar 2024

Eygló (félagið sem sér um ljósleiðaraverkefni Vestmannaeyjabæjar) hefur nú þegar skilað ljósi inn í yfir 567 heimili í Vestmannaeyjabæ.

Í tilkynningu á vef Vestmannaeyjabæjar segir að fyrsta tengingin hafi verið tengd í mars í fyrra og hefur síðan þá bæst jafnt og þétt í hóp þeirra sem tengst hafa ljósleiðarakerfi Eyglóar. Mikil ánægja hefur verið meðal þeirra sem tengst hafa kerfinu og einnig hefur verið mikil þolinmæði meðal íbúa Vestmannaeyjabæjar í garð verkefnisins og þökkum við fyrir það. Verklok á áfanga 1 verða 8.mars 2024 sem þýðir að allir þeir sem ekki hafa þegið ljósleiðara inn á sitt heimili munu þurfa greiða fyrir hann ef þeir vilja ljósleiðara inn á sitt heimili eftir verklok, líkt og dreifbýlið þarf að gera í dag.

Er ég kominn með ljósleiðara inn í mitt hús?
Hér má skoða það. Þessi vefur er uppfærður þegar ný heimili bætast í hópinn.

Heimili mitt er á listanum, en ég hef ekki tengst ljósleiðaranum hvað geri ég til að tengjast ljósleiðaranum?
Þú hefur einfaldlega samband við það fjarskiptafyrirtæki sem þú vilt versla við og biður þá um að tengja þig inná ljósleiðaranet Eyglóar. Eygló bíður öllum fjarskiptafyrirtækjum aðgang að ljósleiðarakerfi sýnu og stuðlar þannig að frjálsri samkeppni.

Heimili mitt er ekki á listanum, hvenær get ég tengst ljósleiðaranum?
Ákveðið var að hefja framkvæmdir þar sem netsamband var verst á Heimaey. Framkvæmdir hófust því vestur í bæ, færðust svo austur í bæ og eru nú að færast nær miðbænum. Við bindum miklar vonir við vorið og sumarið sem er handan við hornið og reiknum við með að jarðvegsframkvæmdir klárist í haust og blástur fljótlega eftir það. Daglega er verið að blása ljósleiðara inn á heimili Vestmannaeyjabæjar.

Afhverju á ég að nýta mér ljósleiðarakerfi Eyglóar?
Ljósleiðarinn gefur þér öflugustu nettengingu sem völ er á og uppfyllir allar net þarfir heimila til framtíðar. Meiri hraði, lægri svartími. Síminn hefur tilkynnt að útfösun á gamla kopar símkerfinu, sem ADSL keyrir á sé hafin. Því þurfa notendur sem enn eru að nota ADSL að skipta yfir í ljósleiðara eða þráðlausa lausn (4G/5G) í náinni framtíð.

Vestmannaeyjabær á 100% hlut í Eygló eignarhaldsfélagi. Að versla við Eygló er að versla við Vestmannaeyjabæ, segir í tilkynningunni.

Nýjustu fréttir

Stjórnmál

Spurt og svarað: Erlingur frá Eyjalistanum

Íþróttir

Sandra náði áfanga með íslenska landsliðinu

Sjávarútvegur

Með fullfermi eftir örstutta túra

Fréttir

Friðrik Dór mætir á Þjóðhátíð

Fréttaskýring

Vestmannaeyjar í gegnum linsu liðins tíma

Aðsent

40 ára aldursmunur á vinningshöfum

Aðsend grein

Hvert viljum við stefna?

Stjórnmál

Margrét Rós: „Ég er hvorki í fýlu né lít á mig sem tapara“

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki