13 borholur í fyrsta áfanga

Eyjafréttir
·
Almennt
·
23. apríl 2024

Vinna við borholurnar í Viðlagafjöru heldur áfram. Tilgangur borholanna er að veita Laxey jarðsjó fyrir áframeldið. Það er fyrirtækið Árni ehf. sér um að bora holurnar fyrir Laxey, en samið var um verkið í fyrra.

https://eyjar.net/samid-um-sjoborun/

Fram kemur í frétt á heimasíðu Laxeyjar að undanfarnar vikur og mánuði hafi menn frá Árna verið í Viðlagafjöru bæði við undirbúning og við að bora holurnar. Borholurnar verða annars vegar 140 metra djúpar, þar sem sjór úr þeim verða notaðar til varmaskipta og hins vegar niður á 36 metra dýpi, en úr þeim holum verður sjór notaður í tankana. Borholurnar hafa 711 mm þvermál og er það með þeim breiðustu sem hafa verið boraðar í þessum tilgangi á landinu. Fyrirtækið er með einstaka borvél til verksins til að tryggja að verkið skili réttum árangri og á réttum tíma.

Árni ehf. notar RC bor og er hann eini sinni tegundar á landinu. RC stendur fyrir Reverse Circulation, sem á íslensku væri öfug hringrásar borun. Borin er tegund af höggbor sem notar þjappað loft til að skola efniskurði úr borholunni á öruggan og skilvirkan hátt. Það tekur Árna og hans teymi um 5 daga að bora 36 metra holurnar. Þar sem mesti tíminn fer í undirbúning og að sjóða saman hlutana sem mynda heildar-rörið sem fer í holuna. Fyrir 36 metra holurnar þarf 3 stálrör sem soðin eru saman, en hvert rör er 12 metrar á lengd.

https://eyjar.net/liklega-sa-allra-taeknilegasti/

Helsta ástæðan fyrir því að sjór er tekin úr borholum er sú að sjórinn hefur ekki verið í snertingu við aðrar sjávarlífverur og er jafnframt heitari. Hiti á sjó og vatni er einmitt einn af þeim lykilþáttum sem hafa áhrif á vöxt seiða og laxa. Áður en sjórinn er settur í tankana er hann hreinsaður til að tryggja bestu mögulegu vaxtarskilyrði fyrir laxinn en sjórinn er einnig hreinsaður áður en honum er skilað. Hreinn sjór í tankana og hreinn sjór úr tönkunum.

Gert er ráð fyrir að fyrir að í fyrsta áfanga þurfi 13 borholur, tvær sem hafa dýpi uppá 140 metra og 11 sem hafa 36 metra dýpi, segir ennfremur í fréttinni.

https://eyjar.net/laxey-6-milljardar-i-nytt-hlutafe/

Nýjustu fréttir

Íþróttir

Frábæru Orkumóti lokið – FH varð Orkumótsmeistari

Íþróttir

ÍBV sækir botnlið FH heim

Samgöngur

Breytt siglingaáætlun Baldurs næstu daga

Aðsend grein

Áfram ÍBV

Fréttir

Varðskip danska sjóhersins í heimsókn í Eyjum

Áhugavert

Ríkið gæti komið að Eyjagöngum með ábatagreiðslum

Úr blaði Eyjafrétta

Samrýmdir og samhentir Betelbræður

Fréttir

Íslendingur vann tæpar 65 milljónir í EuroJackpot

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki