Í morgunn fór fram hið árlega skólahlaup hjá Grunnskóla Vestmannaeyja. Skólahlaupið hefur farið fram í grunnskólum landsins óslitið frá árinu 1984. Allir nemendur GRV hlupu þriggja kílómetra leið eða ÍBV hringinn. Hlaupið hófst klukkan 10:00 með skemmtilegri upphitun frá Önnu Lilju Sigurðardóttur. Eftir hlaupið fengu þátttakendur ávexti og vatn. Fyrstir í mark voru félagarnir Elmar Erlingsson og Andrés Marel Sigurðsson á tímanum þrettán mínútur og þrjár sekúndur.