FÍV fagnar 40 ára afmæli í dag

Eyjafréttir
·
Menning
·
10. september 2019

Í ár fagnar Framhaldsskólinn í Vestmannaeyjum 40 ára afmæli. Í tilefni af því er boðið til samsætis í húsakynnum skólans í dag. Afmælishátíðin hefst kl. 14.00 með formlegri dagskrá og verður boðið upp á veitingar að henni lokinni.

Vestmannaeyjar væru fátækari ef ekki væri hér framhaldsskóli og möguleikar fyrir ungt fólk að ljúka því millistigi sem framhaldsskóli er á milli grunnskóla og háskóla og annars framhaldssnáms. Það verður því seint metið að hér er öflugur framhaldsskóli, Framhaldsskólinn í Vestmannaeyjum (FÍV) sem líka er einn stærsti vinnustaður í bænum með alls um 40 starfsmenn og yfir 200 nemendur. Það verður því að standa vörð um skólann sem á sinn þátt í að gera Vestmannaeyjar að því öfluga samfélagi sem við þekkjum í dag.

Skólameistari í dag er Helga Kristín Kolbeins sem tók við af Ólafi H. Sigurjónssyni en fyrsti skólameistarinn var Gísli Friðgeirsson.

Thelma Gísladóttir, aðstoðarskólameistari og Helga Kristín Kolbeins skólameistari við útskrift frá FÍV.

Varð til við sameiningu
FÍV var stofnaður 1979 og fagnar því 40 ára afmæli í ár. Hann varð til við samruna Iðnskólans í Vestmannaeyjum, Vélskólans í Vestmannaeyjum og framhaldsdeilda Gagnfræðaskólans í Vestmannaeyjum. Stýrimannaskólinn í Vestmannaeyjum varð að sérstakri deild innan skólans haustið 1997.
FÍV er fjölbrautaskóli þar sem í boði er bæði bók- og verknám, langt nám og stutt. Jafnframt fjölbrautakerfinu var tekið upp áfangakerfi. Þá er námi í einstökum greinum skipt upp í námspakka, sem hver um sig er ætlaður til kennslu á einni önn.
Skólinn er í Gagnfræðaskólanum sem Þorsteinn Víglundsson, skólastjóri með meiru hafði forgöngu um að var byggt eftir miðja síðustu öld. Reisulegt hús sem tekið hefur breytingum og verið aðlagað nýju hlutverki.

Skólahúsnæðið er 3172 fermetrar og þar af eru 918 fermetrar kennslurými. Í skólanum eru sjö almennar kennslustofur, ein raungreinastofa, ein tölvustofa, tvær hópvinnustofur, þrjár verklegar stofur (málm- og vélstjórn, rafmagn og Fablab) og stofa fyrir starfbraut ásamt kennslueldhúsi. Í skólanum er hátíðarsalur sem einnig er nýttur sem nemendaaðstaða og fyrir jógakennslu. Bókasafn, aðstaða nemendafélags og skrifstofur starfsfólks.
Haustið 1995 fluttist verklega kennslan í nýtt húsnæði þegar verknámsálma var byggð var við gamla Gagnfræðaskólahúsið. Íþróttakennslan er eina kennslan sem ekki fer að öllu fram í húsnæði skólans.

Með nýju verknámsálmunni batnaði mjög öll aðstaða til kennslu í verklegum vélstjórnargreinum, sem og verklegri kennslu málmiðna.

Lesa má myndarlega umfjöllun um Framhaldsskólann í Vestmannaeyjum í síðasta tölublaði Eyjafrétta

Nýjustu fréttir

Áhugavert

Gústav Axel með kraftmikinn sjávarréttaseðil á Einsa Kalda á MATEY

Aðsend grein

Öflug menning mótar lífið

Samgöngur

Bókunarkerfi Herjólfs komið aftur í gagnið

Áhugavert

Nám í fiskeldisfræði opnar margar dyr

Áhugavert

Nýtt blað Eyjafrétta komið út

Fréttir

Framboðin mætast í Eldheimum í dag

Fréttir

Fjölskylduafþreying í íþróttahúsinu

Herjólfur

Sex ferðir í Landeyjahöfn á morgun

Mest lesið

viðburðir

22. maí 2026

18:00

MATEY Seafood Festival

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki