Ánægjulegt að áhuginn í iðnnám sé að aukast

Skipalyftan hefur þjónustað sjávarútveginn síðan árið 1981. Nú starfa tæplega fjörtíu manns hjá fyrirtækinu. Þar af eru sex nemar í vélvirkjun.

Að sögn Stefáns Jónssonar, framkvæmdastjóra hefur verkefnastaðan verið ágæt að undanförnu. Auk þjónustu við sjávarútveginn rekur fyrirtækið verslun á Eiðinu. Þar má fá allskyns verkfæri, varahluti, reiðhjól málningu, svo fátt eitt sé nefnt.

Er talið berst að nemunum sem sagt var frá fyrr í þessari umfjöllun, segir Stefán að það sé mjög ánægjulegt að iðnnám sé að taka við sér aftur. Hann segir að það sé mjög mikilvægt að fá fólk til þess að fara í iðnnám. Nú sé loks að aukast áhuginn og verkefnin sé yfirleitt næg hjá öllum iðnaðarmönnum.

Skipalyftan er plötusmiðja, véla- og renniverkstæði auk þess að þjónusta þau skip sem eru í upptökumannvirkjum Vestmannaeyjahafnar. Þá heldur fyrirtækið úti lager og verslun með mikið úrval af vörum tengdum málmiðnaði, sjósókn og veiðum.

Verslunin í Skipalyftunni þjónar iðnaðarmönnum, sjávarútveginum og fólki í framkvæmdum. „Við bjóðum upp á breitt vöruval og þekkt vörumerki en þar má nefna DeWalt, Milwaukee, TopTul, Flügger og KochChemie sem er bílahreinsiefni sem uppfyllir ströngustu kröfur sérfræðinga sem og bílaáhugamanna.” segir Stefán og bætir við að Skipalyftan sé einnig öflug er kemur að háþrýsti-búnaði, bæði í slöngum og fittings. Verslun Skipalyftunar er opin 08.00 -18.00 alla virka daga og frá 10.00 – 14.00 um helgar.

Nýjustu fréttir

Vestmannaeyjabær

Styrkir veittir til fjölbreyttra verkefna

Aðsend grein

Neyðarkall úr Eyjum

Aðsent

Sigmundur Davíð með opinn fund

Fréttatilkynning

Hæsti styrkurinn til Eyja

Aðsent

Dýptarmæling í dag

Aðsent

Eyjalistinn í sókn: Heimasíða og stefnuskrá líta dagsins ljós!

Vinnslustöðin

Vinnandi hendur frá hafi til hátíðarborðs

Áhugavert

Kristmundur Axel kemur fram á Þjóðhátíð

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki