Fjölbreytt fræðsla og skapandi námskeið hjá Visku 

Það er margt spennandi framundan hjá Visku þessa dagana. Meðal þess sem er á döfinni er salsanámskeið undir leiðsögn Ernu Sifjar Sveinsdóttur ásamt leikfangaheklu námskeiði hjá Emmu Bjarnadóttur. Salsanámskeiðið verður haldið í febrúar og fer fram alla miðvikudaga og sunnudaga.  Haldin verða tvö heklunámskeið, annars vegar í febrúar og hins vegar í mars. Febrúarnámskeiðið er nú þegar orðið fullt en laust er á námskeiðið í mars.  

Erna Sif segir salsanámskeiðið vera hugsað fyrir alla, bæði byrjendur og lengra komna. Námskeiðið er einstaklingsnámskeið, en auðvitað mega pör mæta bætir hún við. Erna Sif hvetur fólk til að skrá sig og njóta þess að dansa við skemmtilega tónlist í góðum félagsskap. Aðspurð hvernær áhuginn á dansi kviknaði segist hún í raun hafa dansað síðan að hún man eftir sér og segir að það sé í raun takturinn, tónlistin og dansinn sem veiti henni ánægjuna. Erna Sif keppti hér áður í Freestyle keppni Tónabæjar með góðum árangri. Hún varð íslandsmeistari í greininni 12 ára gömul og það kveikti enn meira áhuga og ástríðu fyrir dansinum.

Á heklunámskeiðinu hjá Emmu Bjarnadóttur verður áhersla lögð á að búa til handgerð leikföng. Þátttakendur þurfa ekki að hafa reynslu af hekli til að taka þátt. Emma mun fara í grunnatriðin í hekli en hvetur nemendur samt sem áður til að kynna sér grunninn, til dæmis með því að horfa á kennslumyndbönd eða fá hjálp frá ,,hekl-vinkonu“, það mun auðvelda nemendum að fá sem mest út úr námskeiðinu. Allt efni verður til sölu á staðnum, þannig að þátttakendur þurfa ekki að koma með neitt með sér. 

Aðspurð hvað hafi orðið til þess að hún byrjaði að hekla segir Emma að síðasta sumar hafi henni  vantaði áhugamál sem myndi hvetja hana til að setjast niður og hætta að keyra endalaust áfram. Hún fékk þá flugu í hausinn að prófa að hekla teiknimyndapersónuna Stitch, en segir hann hafi kannski ekki endað alveg eins og persónan, en hún hafi náð að klára verkefnið og var mjög ánægð með sig eftir það. Síðan hélt hún ótrauð áfram og hefur ekki stoppað síðan þá að framleiða fleiri fíkúrur.   

Áhugasamir eru hvattir til að tryggja sér pláss á heimasíðu Visku.

Nýjustu fréttir

Beint
Bæjarstjórnarfundur í beinni
Íþróttir
Andri Erlingsson til Kristianstad
Bæjarmálin
Verulegur munur á tilboðum í flóðlýsingu Hásteinsvallar
Aðsent
Minningar um gos – söngvar og sögur í Eldheimum
Sjávarútvegur
„Fínasti vertíðarfiskur”
Fréttir
Kallað eftir hugmyndum fyrir Goslokahátíð 2026
Herjólfur
Ein ferð í Landeyjahöfn
Áhugavert
Heilsurækt við Íþróttamiðstöðina boðin út á ný eftir kærumál
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.