Tinna Ósk verslunarstjóri Icewear
Æðisleg föt og skemmtileg stemning
Tinna Ósk Þórsdóttir, verslunarstjóri Icewear.

ICEWEAR hefur starfað frá árinu 1972 og lagt áherslu á útivistarfatnað yst sem innst. Vegur Icewear hefur vaxið með hverju ári og er orðið eitt öflugasta fyrirtækið á þessu sviði hér á landi. Icewear opnaði í Vestmannaeyjum árið 2017, fyrst í Básum en er í dag í glæsilegu og rúmgóðu húsnæði í Baldurshaga við Bárustíg. Flutti þangað árið 2021 og stækkaði þá verulega við sig og býður nú upp á allt sem Icewear hefur upp á að bjóða, allt frá fyrsta f lokks útistarfatnaði til smæstu nytjahluta. Í dag stýrir Tinna Ósk Þórsdóttir versluninni að miklum skörungsskap. „Ég er 34 ára gömul, fædd og uppalin í Vestmannaeyjum. Er gift Val Smára Heimissyni og saman eigum við þrjú börn. Þau Hákon Þór 13 ára, Hinrik Frey, 7 ára og Unu Marín 3 ára og hundinn Bruno,“ segir Tinna Ósk sem er menntuð í félagsvísindum og byggðafræði og er einnig með einkaþjálfararéttindi. „Lengst af hef ég verið að þjálfa, bæði hjá Hressó og svo nýverið hjá Metabolic Eyjum þar sem ég er meðeigandi. Ég starfaði lengi sem móttökustjóri hjá HSU en áður en ég hóf störf hjá Icewear var ég að vinna á leikskólanum Sóla sem er dásamlegur vinnustaður,“ bætir hún við.

Af hverju Icewear?

„Ég sá starf verslunarstjóra auglýst og ákvað að prófa að sækja um. Eftir viðtöl var ég mjög spennt fyrir starfinu, mér þykir gaman að breyta til, ögra sjálfri mér og læra nýja hluti. Einnig er mórallinn og stemningin hjá Icewear skemmtileg og það höfðar mikið til mín. Svo eru fötin líka bara svo æðisleg, það er smá vandamál stundum því ég geri lítið annað en að kaupa á mig og fjölskylduna og kem alltof oft heim með gjafir.“

Hvernig lýst þér á starfið?

„Mjög vel, ég er spennt fyrir komandi tímum. Magnea Jóhannsdóttir hefur haldið úti frábærri búð sem er gott að taka við nú þegar hún fer að hugsa um krílið sitt. Það er nóg að gera og ég er að læra margt nýtt, það líkar mér vel.“

Staða Icewear í Eyjum?

„Hún er mjög góð. Við erum í mjög góðu samstarfi við ÍBV og Golfklúbb Vestmannaeyja með íþróttaviðburði, og erum svo einn af aðalstyrktaraðilum Þjóðhátíðar sem er virkilega skemmtilegt verkefni. Verslunin í Eyjum er stór og vegleg og býður upp á mikið úrval af útivistarfatnaði og aukahlutum, sem og hversdagsfatnaði fyrir bæði börn og fullorðna. Einnig bjóðum við upp á gott úrval af garni sem hefur verið að koma virkilega sterkt inn. Hjá okkur ættu því allir að f inna eitthvað fyrir sína útivist, allt frá göngutúr með hundinn upp í hlaup og fjallgöngur. Við hvetjum alla til að kíkja við og skoða úrvalið því sjón er sögu ríkari.“

Hefur búðin í Eyjum einhverja sérstöðu?

Sérstaða Icewear almennt, er mikið úrval og góð verð. Útivist er fyrir alla, ásamt framúrskarandi þjónustu sem við leggjum okkur fram um að veita á hverjum degi. Við erum mjög stolt af því að geta boðið fólki að eignast góðan og flottan útivistarfatnað á sanngjörnu verði. Einnig erum við dugleg við að gera extra vel við vini Icewear með flottum sérkjörum og spennandi sértilboðum.

Eru Eyjamenn góðir kúnnar?

„Já mjög. Það er alltaf gaman að taka á móti Eyjamönnum og þeir kunna að meta það sem við höfum upp á að bjóða,“ sagði Tinna Ósk verslunarstjóri.

Nýjustu fréttir

Stjórnmál
Íris ætlar að ganga í Sjálfstæðisflokkinn
Íþróttir
Arnór með fimm mörk í jafntefli Karlskrona
Stjórnmál
Rannveig Ís­fjörð sækist eftir 4. sæti í prófkjöri Sjálfstæðisflokksins
Sjávarútvegur
Systurskipin landa fullfermi
Áhugavert
Golfvöllurinn í Eyjum tilnefndur til alþjóðlegra verðlauna
Stjórnmál
Aníta sækist eftir 2. sæti í prófkjöri Sjálfstæðisflokksins
Stjórnmál
Enginn úr núverandi meirihluta gefur kost á sér áfram
Fréttir
Síðasti séns! Taktu þátt í að móta menningarstefnu Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.