Óvenjulegt sjónarspil mætti vegfarendum í dag þegar heilt hús var flutt frá Miðstræti og upp á Nýja hraun þar sem það verður við nýja steypustöð sem þar rís. Flutningurinn vakti talsverða athygli, enda ekki á hverjum degi sem hús eru færð í heilu lagi um götur bæjarins.

Aðgerðin gekk vel að sögn fréttaritara Eyjafrétta og fór flutningurinn fram án teljandi vandræða. Ljósmyndararnir Óskar Pétur Friðriksson og Halldór B. Halldórsson fylgdust með flutningnum og festu hann á mynd.