Hátt í 50 metrar á Stórhöfða
Herjólfur kemur til hafnar í dag í miklu sjóroki. Mynd Aðalsteinn Baldursson.

Ritstjórn

frettir@eyjafrettir.is

Klukkan 15.00 í dag var tíu mínútna meðalvindur á Stórhöfða 37 metrar á sekúndu og mesta hviða var 48 metrar á sekúndu. Í morgun var snjókoma og síðar slydda og rigning og slapp á götum.

Herjólfur fór til Þorlákshafnar í morgun og er á leið í seinni ferð dagsins. Örugglega ljúft leiði á lensinu til Þorlákshafnar og þokkalegt á móti á bakaleiðinni í rúmlega 4 metra ölduhæð.

Flestir bátar eru á sjó og  ekki vitað um tjón.

Veðurhorfur á landinu

Norðaustan- og austan 13-20 m/s og snjókoma, en 23-28 sunnantil. Líkur á slyddu eða rigningu allra syðst. Bætir í vind og ofankomu austantil síðdegis, 18-25 þar undir kvöld, en fer þá að draga úr vindi og ofankomu sunnanlands. Hiti um eða undir frostmarki, en að 8 stigum með Suðurströndinni.

Norðan 8-15 á morgun og víða snjókoma eða él, en 13-20 á Austurlandi. Dregur úr ofankomu síðdegis. Þurrt að mestu sunnantil. Frost 1 til 7 stig.
Spá gerð: 23.03.2026 15:03. Gildir til: 25.03.2026 00:00.

Veðurhorfur á landinu næstu daga

Á miðvikudag:
Yfirleitt breytileg átt 3-10 m/s, en norðvestan 13-20 austantil fram eftir degi. Víða líkur á dálitlum éljum, en bjart að mestu á Suðaustur- og Austurlandi. Frost 2 til 10 stig.

Á fimmtudag:
Gengur í suðaustan 18-25 m/s með snjókomu, en síðar rigningu eða slyddu. Úrkomuminna norðaustantil og hægari vindur þar fram eftir degi. Hlýnar talsvert. Dregur úr vindi sunnan- og vestantil seinnipartinn með skúrum eða slydduéljum.

Á föstudag:
Suðvestlæg átt, en norðlægari norðvestantil. Slydda eða snjókoma með köflum, en þurrt að kalla austanlands. Hiti um eða yfir frostmarki.

Á laugardag:
Suðlæg eða breytileg átt og él, en slydda eða rigning sunnan- og vestantil. Úrkomulítið norðaustantil. Hlýnar heldur.

Á sunnudag:
Norðvestan- og vestanátt og víða líkur á éljum, en slyddu með ströndinni. Kólnar í veðri.
Spá gerð: 23.03.2026 08:34. Gildir til: 30.03.2026 12:00.

Hugleiðingar veðurfræðings

Djúp lægð er nú stödd suður af landinu sem veldur snjókomu og hvassviðri víða um land en stormi allra syðst, enda gular vinda- og hríðaviðvaranir víða í gildi eða taka gildi með kvöldinu. Það dregur úr vindi og úrkomu sunnan- og vestanlands með kvöldinu en þá bætir í vind og ofankomu austanlands. Þar verður gul hríðarviðvörun í gildi fram til hádegis á morgun, sú síðasta í þessum skammti, þegar lægðin verður komin norðaustur af landinu.

Veður.is

Nýjustu fréttir

Íþróttir
Allison Clark tryggði ÍBV jafntefli með marki í blálokin
Herjólfur
Staða mála hjá Herjólfi
Íþróttir
Embla Harðardóttir sleit krossband gegn FH
Fréttir
Rannsóknarhola Eyjaganga komin á beinu brautina á ný
Samgöngur
Herjólfur með sjö ferðir til Landeyjahafnar í dag
Íþróttir
Geta Eyjastúlkur haldið pressunni á Breiðablik?
Íþróttir
Díana Dögg og Andrea spila oddaleik um þýska meistaratitilinn
Samgöngur
Herjólfur til Þorlákshafnar
Mest lesið
viðburðir
Sa Portret 02022026 1
27. maí 2026
08:30
Hringferð SA í Akóges-salnum

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.