Það styttist óðum í að keppni í Bestu deild kvenna fari af stað og undirbúningur liðanna er á lokametrunum. Kvennalið ÍBV heldur áfram að fínpússa leik sinn fyrir komandi tímabil og æfði liðið af krafti á Hásteinsvelli í gær.

Halldór B. Halldórsson kíkti á æfingu liðsins og festi stemninguna á myndband, þar sem sjá má leikmenn leggja hart að sér í blíðskaparveðri í Vestmannaeyjum.

ÍBV hefur leik í deildinni næstkomandi laugardag þegar liðið mætir Fram á útivelli í fyrstu umferð mótsins. Spenna ríkir meðal stuðningsmanna sem bíða þess að sjá hvernig liðið kemur inn í nýtt tímabil  aftur í efstu deild.

Hér að neðan má sjá myndbandið frá æfingunni.