Framkvæmdir við nýtt fjölbýlishús Steina og Olla að Tangagötu 10 eru komnar vel á veg. Í húsinu verða 16 íbúðir á fjórum efri hæðum, rúmlega 300 fermetra þjónustu- og skrifstofurými á jarðhæð og bílageymsla í kjallara.

Íbúðirnar verða frá 74 upp í 178 fermetra og fylgir hverri þeirra stæði í bílageymslunni. Áætlanir gera ráð fyrir að framkvæmdum ljúki vorið 2027.

Í nýju myndbandi frá Halldóri B. Halldórssyni er farið um bygginguna og staðan á framkvæmdunum skoðuð. Halldór sýnir húsið bæði að innan og utan auk þess sem loftmyndir gefa góða yfirsýn yfir nýbygginguna og umhverfi hennar við höfnina. Myndbandið var tekið á föstudaginn sl..