Eyjamaðurinn Hlynur Andrésson hljóp maraþon á Evrópumótinu í frjálsíþróttum, í Birmingham í morgun. Hann endaði í 45. sæti. 52 keppendur luku keppni en 59 hófu hlaupið.

Hlynur kom í mark á 2 klukkutímum og 22,09 mínútum sem er langt frá hans besta tíma. Hann á Íslandsmetið sem hann setti árið 2021 en það er 2 klukkutímar og 13,37 mínútur. 

Hlynur sagði í samtali við RÚV að lokinni keppni í dag að tilfinningin væri vonbrigði. ,,Ég gaf mér séns til að hlaupa vel í dag og reyna að gera eitthvað. En kúrsinn var bara það erfiður og þegar lappirnar byrjuðu að gefa sig eftir 28 kílómetra þá var bara ekkert eftir og ég hef aldrei hætt keppni í landsliðstreyjunni og ég ætlaði ekki að byrja á því í dag þannig ég vildi bara klára.” 

Hlynur stefnir á næsta hlaup í nóvember en þá ætlar hann að hlaupa 15 kílómetra.