Kvennalið ÍBV í fótbolta heimsótti FH í 3. umferð efri hluta Bestu deildar kvenna í dag. FH konur voru sterkari aðilinn í leiknum og fögnuðu öruggum 5-0 sigri.

Leikurinn fór fjörlega af stað og bæði lið fengu góð marktækifæri á fyrstu mínútunum. FH náði forystunni strax á 5. mínútu þegar Nía Raisa Christopher kom boltanum í netið. Aðeins tveimur mínútum síðar bætti hún við öðru marki sínu, þá af stuttu færi. FH leiddi því 2-0 í hálfleik.

Heimakonur byrjuðu síðari hálfleikinn af krafti og bættu þriðja markinu við á 47. mínútu. Helena Maree Errington skoraði þá eftir góða sendingu frá Ingibjörgu Magnúsdóttur. Nía Raisa Christopher var hvergi nærri hætt og skoraði sitt þriðja mark á 59. mínútu. Hún komst þá ein í gegn og setti boltann fram hjá Guðnýju Geirsdóttur, markverði ÍBV.

FH bætti svo fimmta markinu við í uppbótartíma. Nía Raisa Christopher fullkomnaði þá fjögurra marka leik sinn með því að skora af öryggi og innsigla stórsigur FH. Lokatölur leiksins 5-0, FH í vil.

ÍBV er áfram í þriðja sæti deildarinnar með 30 stig. FH er í öðru sæti með 43 stig, þremur stigum á eftur toppliði Breiðabliks þegar tvær umferðir eru eftir af tímabilinu. Valur og Víkingur Reykjavík féllu úr Bestu deild kvenna á föstudagskvöldið.

Úrslit í Bestu deild kvenna:

Stjarnan 0 – 0 Grindavík/Njarðvík

Fram 1 – 2 Valur

Víkingur R. 0 -2 Þór/KA

Breiðablik 5 – 4 Þróttur R.

FH 5 – 0 ÍBV