Mjög góð viðbrögð við bakvarðarsveitinni

Eyjafréttir
·
Fréttir
·
7. apríl 2020

Hjúkrunar- og dvalarheimilið Hraunbúðir auglýsti síðasta föstudag að vilji væri til að koma á fót sinni eigin bakvarðarsveit í Vestmannaeyjum vegna Covid-19, færi svo að brottfall yrði mikið í hópi starfsmanna. „Við höfum fengið mjög góð viðbrögð við bakvarðarsveitinni og erum komin með á annan tug einstaklinga sem hafa skráð sig og enn er að bætast við. Helst að okkur vanti inn hjúkrunarfræðinga. Við vonumst þó auðvitað til þess að lenda ekki í þeirri stöðu að þurfa að kalla til fólk en viljum vera við öllu undirbúin, sagði Sólrún Gunnarsdóttir deildarstjóri í öldrunarmálum í samtali við Eyjafréttir.“

Sólrún segist hrærð yfir þessum viðbrögðum og gott að finna að hugur bæjarbúa sé hjá þeim á Hraunbúðum. „Við finnum fyrir miklum meðbyr sem skiptir ótrúlega miklu máli.“

Heimsóknarbannið tekur á
„Það skal sagt að heimsóknarbannið tekur alveg á, eðlilega. Starfsfólkið leggur sig þó fram um að gera sitt allra besta til að sinna líka félagslegum þörfum heimilismanna en auðvitað kemur ekkert í staðinn fyrir nánustu aðstandendur. Það hafa þó verið fundnar aðrar leiðir til að vera í samskiptum s.s í gegnum myndsamtöl, bréfaskrif og gluggasamtöl,“ segir Sólrún og tekur fram að aðstandendur hafi sýnt þessu mikinn skilning og eiga þakkir skildar fyrir það. „Þetta heimsóknarbann var sett á með heildarhagsmuni heimilismanna í huga til að lágmarka líkur á að smit berist inn á heimilið. Við tökum þó einn dag í einu, allir eru að vanda sig og fylgja verkferlum og fyrir það á starfsfólkið líka hrós skilið.“

Eldra fólk ber sig almennt vel
Starfsmenn öldrunarþjónustu og félagsþjónustunnar eru að hringja út í eldri borgara þessa dagana og taka stöðuna og reiknar Sólrún með því að þau nái að setja sig í samband við um helming íbúa í aldurshópnum 67 ára og eldri. „Fólk ber sig almennt vel þrátt fyrir þá erfiðu stöðu sem uppi er í samfélaginu og margir hafa einhvern í kringum sig sem getur aðstoðað og veitt stuðning ef þörf er á. Ef ekki, eru úrræðin til staðar bæði hjá Vestmannaeyjabæ, Rauða krossinum og þeim fjöldamörgu fyrirtækjum í bænum sem bjóða upp á heimsendingar og hafa sýnt frábært frumkvæði í að breyta fyrirkomulaginu og koma til móts við eldri borgara og aðra bæjarbúa í þessum aðstæðum.“

Öll él stytta upp um síðir
Sólrún segir marga af þeim eldri borgurum sem rætt hefur verið við séu í sjálfskipaðri sóttkví. „Annars held ég bara að allir bíði spenntir eftir sumar og sól og betri tíð, en eins og við vitum stytta öll él upp um síðir,“ sagði Sólrún að lokum.

Nýjustu fréttir

Myndband

Útsýnisskálinn opnaður – myndband

Aðsend grein

Stefnuleysi bæjarstjórnar

Aðsend grein

Hugum að staðsetningu Féló fyrir aukna þátttöku ungmenna í samfélaginu

Samgöngur

Herjólfur stefnir á siglingar í Landeyjahöfn

Íþróttir

Valskonur urðu Íslandsmeistarar í Eyjum eftir sigur á ÍBV

Aðsent

Sjónarhorn flakkarans vígt í hrauninu við Eldfell

Samgöngur

Tafir á haffærniskírteini Herjólfs III

Vinnslustöðin

Fjör, gleði og glæsileg skemmtun á árshátíð VSV

Mest lesið

viðburðir

14. maí 2026

17:00

Opinn framboðsfundur Eyjafrétta í Eldheimum

22. maí 2026

18:00

MATEY Seafood Festival

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki