Eyjamenn og gestir leggja á sig mikla vinnu, vöku og þolinmæði þegar kemur að lundapysjubjörgun síðsumars á ári hverju. Aðrir ráðvilltir gestir á götum bæjarins eru ekki jafn vinsælir og pysjurnar en það eru blessaðir fýlsungarnir. Örlög þeirra verða oftar en ekki þau að verða bílum eða rándýrum að bráð, því færri kæra sig um að bjarga þeim. Þeir eru þó til sem það stunda af samviskusemi en enginn þó af jafnmiklum krafti og hinn 14 ára Andri Júlíusson. Þegar við ræddum við Andra í síðustu viku hafði hann bjargað 35 fýlsungum og var hvergi nærri hættur. Andri gekk svo