Mikilvægi að vinna málið áfram með hagsmuni félagsins, starfsfólks og samfélagsins að leiðarljósi
Herjólfur á siglingu.

Stjórn Herjólfs ohf. og framkvæmdarstjóri komu á fund bæjarráðs og fóru yfir málefni félagsins og stöðu réttindamáls, að því marki er hægt var að veita upplýsingar um það mál. Allir bæjarfulltrúar fengu boð á fundinn með fulltrúum Herjólfs ohf. Bæjarstjórn skipar stjórn Herjólfs ohf. Samkvæmt hlutafélagalögum og samþykkt Herjólfs ohf., fer stjórn félagsins með æðsta vald í málefnum félagsins milli hluthafafunda. Stjórn Herjólfs ohf., er nú skipuð þeim Arnari Péturssyni, formanni, Guðlaugi Friðþórssyni, Agnesi Einarsdóttur, Páli Guðmundssyni og Arndísi Báru Ingimarsdóttur, aðalmönnum. Varamenn eru Aníta Jóhannsdóttir og Birna Þórsdóttir Vídó. Framkvæmdastjóri annast daglegan rekstur félagsins. Framkvæmdastjóri Herjólfs ohf. er Hörður Orri Grettisson.

Það er því skýrt kveðið á um í lögum og samþykktum félagsins að hluthafi fari eingöngu með vald sitt á hluthafafundum og stjórn félagsins og framkvæmdastjóri beri ábyrgð á málefnum félagsins þess á milli. Félagaform Herjólfs ohf. er með þeim hætti að pólitískir fulltrúar stígi ekki inn í stjórnun eða starfsmannamál félagsins. Hins vegar getur hluthafi kallað eftir upplýsingum um starfsemina, innan þeirra marka er lög um hlutafélög, upplýsingalög og/eða önnur lög, eigi þau við, kveða á um.

Í niðurstöðu bæjarráðs er stjórn Herjólfs ohf. og framkvæmdastjóra þakkað fyrir upplýsingarnar. Bæjarráð tekur undir með stjórn félagsins um alvarleika málsins og mikilvægi þess að vinna það áfram með hagsmuni félagsins, starfsfólks og samfélagsins að leiðarljósi. Þá leggur bæjarráð áherslu á mikilvægi þess að ekki komi til skerðingar á þjónustu Herjólfs ohf., en fram kom í máli stjórnar að hún teldi svo ekki verða.

Fulltrúa D lista lagði fram eftirfarandi bókun. “Undirrituð leggur áherslu á góða upplýsingagjöf og samskipti stjórnar við eigendur, starfsmenn og aðra hlutaðeigandi.”

Nýjustu fréttir

Úr blaði Eyjafrétta
Tími til kominn að taka næsta skref
Aðsend grein
Ákvarðanir fyrir framtíðarkynslóðir
Áhugavert
Í dag eru 75 ár frá Glitfaxaslysinu
Úr blaði Eyjafrétta
Hárígræðslur í Tyrklandi 
Áhugavert
Húsið of hátt – skipulagi breytt eftir á og nágrannar ósáttir
Íþróttir
Elliði fyrir leikinn gegn Dönum
Íþróttir
Spáð í spilin fyrir stórleikinn í kvöld á EM
Myndband
Tíðarandi liðinna ára í myndum í Sagnheimum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.