Eyjamaður á eldgosaslóð

Eyjafréttir
·
Fréttir
·
3. ágúst 2022

Eldgos hófst á Reykjanesi á öðrum tímanum í dag, en mbl.is greindi fyrst frá fréttunum, enda sáust eldglæringar vel í vefmyndavélum þeirra. Gosið er í vestanverðum Meradölum, um 1,5 km norður af Stóra-Hrút. En margir kannast við Stóra-Hrút, því hann var mikið genginn af forvitnum göngumönnum þegar gaus í Fagradalsfjalli, því gosi lauk í september síðastliðnum.

Samkvæmt heimildum Eyjafrétta eru forvitnir gosáhugamenn og göngugarpar þegar farin að skipuleggja göngu á Reykjanesið til að sjá nýjasta náttúruundrið mydast.

Göngugarpar skoða eldglæringar á Reykjanesi. Mynd mbl.is: Hákon Pálsson

Fólk almennt rólegt
Eyjafréttir fengu Smára Jökul Jónsson, Vestmannaeying og íbúa í Grindavík, til að lýsa sinni upplifun af þessum jarðhræringum og eldglæringum á nesinu.

Það var rólegt yfir Smára þegar blaðamaður náði í hann, enda stendur sumarfrí sem hæst hjá fjölskyldunni sem eru nýfarin af Eyjunni fögru eftir góða Þjóhátíðardvöl.

„Ég held að fólk sé almennt frekar rólegt þó gosið sé svona nálægt. Svo á eftir að koma í ljós hvernig verður með hraunrennsli og hvort það ógni einhverjum innviðum en svona fyrstu viðbrögð eru held ég að maður sé feginn að gosið er á svipuðum slóðum og síðast.

Í Dalnum þegar sá stóri kom
Mér persónulega fannst jarðskjálftarnir erfiðir og leið ekki vel með þá, þannig að nú þegar byrjað er að gjósa býst ég við að þeim ljúki eins og gerðist síðast. Ég var sem betur fer að skemmta mér i Dalnum þegar stóri skjálftinn kom á laugardag.“

Smári Jökull og Sigrún voru í Dalnum þegar stóri skjálftinn reið yfir í Grindavík síðustu helgi.

Eru íbúar í Grindavík með einhvern sérstakan viðbúnað heima við?
„Ég held að fólk geri ráðstafanir varðandi skjálftana, sjái til þess að stórir hlutir á heimilum geti ekki valdið skaða. Svo hefur auðvitað verið mælt með að fólk sé tilbúið að yfirgefa heimilin sín með stuttum fyrirvara en það var kannski mest á meðan óvissa var hvar gosið yrði. Síðan þýðir, held ég, lítið að spá í hvað mun gerast á næstu árum, ég held að við séum með það mikið af hæfu vísindafólki að við munum alltaf fá ákveðinn fyrirvara ef fleiri gos verða.“

Eldgosið sést úr gluggunum heima
Smári starfar sem grunnskólakennari í Grindavík og því ekki úr vegi að spyrja hvernig honum finnst þessar náttúruhamfarir leggjast í yngri kynslóðina í bænum.
„Ég held að það sé misjafnt hvernig unga fólkið tekur þessu. Auðvitað finnst mörgum þetta spennandi en að sjálfsögðu líka ógnandi – þetta er jú eldgos og við sjáum það út um gluggann á húsunum okkar. Mörg börn fóru að skoða gosið síðast sem ég held að hafi hjálpað til. Mín upplifun er að fólki finnist skjálftarnir erfiðari en sjálft gosið,“ segir Smári að lokum og við óskum honum góðrar ferðar áfram í sumarfríinu.

Nýjustu fréttir

Skólamál

Bríet Björk, Caritas Rós og Kolbrá bestar

Aðsend grein

Ykkar er valið

Menntamál

Niðurstöður prófa – Vestmannaeyjar í einstakri stöðu

Fortíðarflakk

Að alast upp í Vestmannaeyjum

Íþróttir

Halldór Jón aftur í ÍBV

Myndband

Fluttu hús í heilu lagi

Sjávarútvegur

Sjávarafurðir: Ágætis aukning í febrúar

Sjávarútvegur

Eyjarnar landa í Þorlákshöfn

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki