Grundvöllur verkefnisins
Með verkefninu vilja aðstandendur verkefnisins hvetja fólk til að koma auga á atvinnutækifæri í heimabyggð. �?átttakendum í verkefninu stendur til boða margvíslegur stuðningur til þess að hrinda hugmyndum sínum í framkvæmd. �?átttaka í verkefninu verður án endurgjalds. Lykilspurningar sem þátttakendur í verkefninu munu leita svara við eru m.a: Eru ónýtt atvinnutækifæri í næsta nágrenni? Hvað get ég gert til að auka tekjur mínar og/eða bæta atvinnumöguleika mína með eigin atvinnurekstri? Hvernig á ég að fara að því og hvað mun ráða úrslitum um árangur? Verkefnið er opið öllum íbúum í sveit á Suðurlandi, óháð eðli viðskiptahugmynda, atvinnugreinum sem viðskiptahugmyndir beinast að, eða reynslu þátttakenda á sviði atvinnurekstrar.

Margs konar stuðningur í boði
Verkefnið byggir á ákveðnu ferli sem í hnotskurn má lýsa á eftirfarandi hátt:
1. Hvatning og kynning á þeim möguleikum sem í verkefninu felast
2. Aðstoð við hugmyndavinnu
3. Fræðsla og handleiðsla við undirbúning viðskiptahugmynda (bæði á námskeiðaformi og einstaklingsmiðuð fræðsla)
4. Fjárstyrkur til undirbúningsvinnu
5. Fjárstyrkur til framkvæmda
6. Eftirfylgni og áframhaldandi handleiðsla
�?átttakendur njóta handleiðslu ráðgjafa Impru nýsköpunarmiðstöðvar á verkefnistímabilinu en slík þjónusta er hluti af reglulegri starfsemi Impru og er án endurgjalds. Einnig munu ráðunautar og atvinnuráðgjafar í einhverjum tilfellum koma að verkefnum þátttakenda.

Upphaf verkefnisins
Verkefnið hefst með kynningar- og hvatningarfundum. Haldnir verða tveir fundir á Suðurlandi þar sem í boði verða áhugaverð erindi sem vakið geta fólk til umhugsunar um umhverfi sitt og þau tækifæri sem kunna að vera fyrir hendi. Á fundunum verður verkefnið sjálft einnig kynnt. Fyrirlesarar verða:
· Elín Aradóttir, verkefnisstjóri hjá Impru nýsköpunarmiðstöð, kynnir verkefnið Vaxtarsprota.
· Jóhannes Kristjánsson, ferðaþjónustubóndi á Höfðabrekku í Mýrdal, segir frá reynslu sinni og gefur góð ráð.
· Andri Snær Magnason rithöfundur flytur erindi undir titlinum Hugmyndir um hin nýju hlunnindi sveitanna.

Kynningarfundirnir verða haldnir á eftirfarandi stöðum:

· Félagsheimilinu �?ingborg Árnessýslu, þriðjudaginn 30. janúar 2007, kl. 20:30.
· Veitingaskálanum Hlíðarenda Hvolsvelli, fimmtudaginn 1. febrúar 2007, kl. 20:30.
Af fréttavef Rangárþings eystra.