Af hverju finna sífellt fleiri til streitu og álags í okkar daglega lífi og hvernig getum við reynt að sporna gegn því að þetta hafi alvarleg áhrif á okkar andlegu líðan og líkamsstarfsemi? Ágúst �?skar Gústafsson starfar sem heimilislæknir í Kaupmannahöfn. Hann er sérstakur áhugamaður um streitu og hvaða áhrif hún hefur á líkamann.

Hann segist hafa orðið hálf undrandi eftir að hafa verið starfandi sem heimilislæknir í Kaupmannahöfn í nokkurn tíma hversu margir sjúklingar hans glímdu við streitu og fylgikvilla hennar. Meirihluti sjúklinganna sem komu til hans voru með einhvers konar einkenni streitu og álags. Allt frá svefnleysi yfir í óeðlileg svitaköst og kvíða. Ruv.is greindi frá.

�??Fyrsta spurningin sem ég spyr mína sjúklinga að er hversu langt er síðan þeir stunduðu áhugamálið sitt? Ef það stendur á svörum og langt er um liðið þá eru það venjulega fyrstu merki um að fólk þarf að fara hægja á sér,�?? segir Ágúst sem var gestur Helgu Arnardóttur í Heilsuvaktinni í Mannlega þættinum á Rás 1.

Í framhaldi af því opnaði hann Facebook síðu sem ber heitið: Ekki halda stressi til streitu. �?ar deilir hann fróðleik, greinum og fyrirlestrum um áhrif streitu, einkenni hennar og hvernig við getum spornað gegn henni og lifað streitulausu lífi.

Ágúst segir einkenni streitu margskonar. Svefnleysi er eitt þeirra, óreglulegur hjartsláttur, sviti í höndum, óeðlileg og tíð svitaköst og margt fleira. Orsökina megi oft rekja til þess að fólk vinni mikið og þar af leiðandi bitni það á svefninum, það gefi sér lítinn frítíma með fjölskyldu og vinum, hreyfi sig ekki og drekki of mikið af kaffi, orkudrykkjum eða áfengi.

Ágúst segir dönsk sveitarfélög vera orðin meðvituð um áhrif streitu og hvernig hægt sé að hjálpa fólki sem glími við hana. �?ar séu í boði ókeypis námskeið í núvitund og hugleiðslu, hreyfingu, svefnráðgjöf og margt fleira sem lítið sé um á Íslandi.

�??Helstu ráðin sem ég gef fólki sem leitar til mín er að það reyni að passa svefninn sinn og ná reglu á honum. Auk þess er mikilvægt að hreyfa sig eitthvað á hverjum degi því það dregur úr streitu, draga úr drykkju örvandi drykkja eins og kaffi og áfengi. Síðast en ekki síst legg ég mikla áherslu á að fólk gefi sér tíma til að stunda áhugamálin sín hver sem þau eru því þau draga beint úr streitu og það mikilvægasta af öllu er að hitta reglulega fjölskyldu sína og vini því þær stundir gefa fólki mest og lætur því líða betur,�?? segir Ágúst.

Hægt er að hlusta á viðtalið í heild á ruv.is