Allt um sorpmálin í Eyjum
Kubbur Sorp
Tilboð Kubbs var metið ógilt þar sem ekki var gefið einingarverð í alla liði tilboðskráar.

Vestmannaeyjabær hefur gefið út nýjar leiðbeiningar fyrir sorpmál sveitarfélagsins. Sorpmálin heyra undir umhverfis- og skipulagsráð og falla undir umhverfis- og framkvæmdasvið Vestmannaeyjabæjar. Hér að neðan má sjá tilkynningu Vestmannaeyjabæjar.

Opnunartími söfnunarstöðvarinnar:

Virka daga, frá kl: 10:00 til 18:00.
Laugardaga og Sunnudaga frá kl: 11:00 til 16:00
Sími: 456-4166 og 853-6667

Fjórir flokkar heima

Með lögum um hringrásarhagkerfi varð skylt að flokka heimilisúrgang í fjóra flokka við heimili: pappír og pappa, plastumbúðir, matarleifar og blandaðan úrgang.

Málmumbúðum, glerumbúðum og textíl þarf að skila á grenndarstöð eða á söfnunarstöð úrgangsefna.

Lyfjum og lyfjaumbúðum má skila í apótekum.

Hægt er að nálgast bækling hér

Blandaður úrgangur

Í tunnu fyrir blandaðan úrgang fer allur óendurvinnanlegur úrgangur, óhreint hráefni eða hráefni samsett úr ólíkum efnum.

Dæmi um það sem henda ætti í almennu tunnuna:

  • Handþurrkur
  • Bómullaskífur
  • Eyrnapinnar
  • Einnota hanskar
  • Óhreinar umbúðir
  • Bleyjur
  • Tíðarvörur
  • Bökunarpappír
  • Tyggjó
  • Ryksugupokar
  • Stór bein
  • Snyrtivöruafgangar
  • Kattasandur og dýrasaur

Dæmi um það sem ekki má fara í tunnu fyrir blandaðan úrgang

  • Spilliefni
  • Raftæki
  • Rafhlöður

Þegar úrgangur er ekki flokkaður tapast oftast auðlindir sem gætu annars verið endurnýttar og tekjur sem gætu komið frá sölu endurunninna hráefna. Urðun blandaðs úrgangs er kostnaðarsöm og með því að flokka er því hægt að draga úr kostnaði vegna sorpförgunar.

Urðun og brennsla blandaðs úrgangs losar einnig efni í umhverfið í formi gastegunda eða efnamengunar.

Matarleifar og lífrænn úrgangur

Matarleifar falla til í eldhúsum heimila og fyrirtækja. Dæmi um matarleifar sem má nota í moltugerð

Dæmi um það sem henda ætti í lífrænu tunnuna:

  • Ávextir og grænmeti
  • Pasta og kartöflur
  • Brauð
  • Hrísgrjón ofl. kornmeti
  • Kaffikorgur og kaffifilter
  • Eldaðir fiskiafgangar
  • Eldaðir kjötafgangar
  • Eggjaskurn
  • Tepokar
  • Tannstönglar
  • Afskorin blóm
  • Eldhúspappír

Dæmi um það sem ekki má fara í lífrænu tunnuna

  • Plast
  • Bleyjur
  • Sláturúrgangur
  • Dýrasaur
  • Kattasandur
  • Ryksugupokar
  • Eyrnapinnar
  • Bómullarhnoðrar

Matarleifum skal hent í bréfpoka.

Söfnun á matarleifum eða lífrænum úrgangi er mikilvæg til að draga úr losun gróðurhúsalofttegunda. Úr lífrænum úrgangi sem safnast við heimili er framleitt metangas og molta eða jarðvegsbætir. Metangas nýtist meðal annars sem bifreiðaeldsneyti og molta nýtist til landgræðslu.

Moltugerð / jarðgerðartunnur

Öll heimili geta á einfaldan máta hjálpað til við að halda eyjunni okkar fagurri, með því að taka lífrænt heimilissorp og gras og koma því fyrir í moltu þar sem að það brotnar niður á náttúrulegan máta svo úr verður mjög næringarríkur og góður jarðvegsbætir.

Á vef umhverfisstofnunnar er að finna leiðbeiningar um notkun jarðgerðartunna.

Tunna fyrir pappír og pappa

Í tunnu fyrir pappír og pappa má setja pappír, bylgjupappa, fernur, sléttan pappa, dagblöð og tímarit. Til að hægt sé að endurvinna umbúðir/hráefni þarf það að vera hreint. Það er því mikilvægt að tæma og hreinsa matarleifar úr umbúðunum, annars eiga þær heima með almennu sorpi.

Dæmi um það sem má fara í pappatunnuna:

  • Dagblöð
  • Tímarit
  • Skrifstofupappír
  • Minnismiðar
  • Bækur án harðkápu
  • Umslög
  • Fernur
  • Umbúðir úr pappa
  • Pappahólkar
  • Eggjabakkar
  • Pizzakassar (án matarleifa og olíu)
  • Kassar með bylgjaðar brúnir

Dæmi um það sem ekki má fara í pappa og pappírtunnuna

  • Óhreinar umbúðir
  • Handþurrkur
  • Servíettur/munnþurrkur
  • Bökunarpappír
  • Pakkabönd
  • Möppur
  • Bókakápur

Mjólkurfernur og djúsfernur eru endurvinnanlegar þar sem til er aðskilinn endurvinnsluferill fyrir þær. Ekki þarf að rífa plasttappa eða álfilmur frá.

Ef pizzakassar eru mikið óhreinir er best að aðskilja óhreina og hreina hlutann og setja hreina hlutann í pappa.

Tunna fyrir plast

Til að hægt sé að endurvinna plast þarf það að vera hreint. Það er því mikilvægt að tæma og hreinsa matar- og efnaleifar úr umbúðum, annars eiga þær heima með blönduðum úrgangi.

Dæmi um það sem má fara í tunnu fyrir plast:

  • Plastbakkar
  • Plastpokar
  • ·Plastbrúsar
  • Plastglös
  • Áleggsbréf
  • Skvísur
  • Snakkpokar
  • Plastdiskar
  • Plastlok
  • Plastbakkar með loki
  • Plasttappar

Dæmi um það sem ekki má fara í plast tunnuna

  • Óhreinar umbúðir
  • Leikföng með rafhlöðum
  • Raftæki
  • Geisladiskar og DVD
  • Tannburstar
  • Plastmöppur
  • Lyfjaspjöld
  • Umbúðir undan spilliefnum

Meginreglan til að þekkja í sundur ál og plast er sú að plast sléttir aftur úr sér eftir að það er krumpað, ál helst hins vegar krumpað.

Með því að flokka pappa og plast í sitt hvora tunnuna, næst betri flokkun og líkur á endurvinnslu aukast heldur en með einni tunnu þar sem flokkarnir blandast saman.

Tvær grenndarstöðvar

Í Vestmannaeyjum eru tvær grenndarstöðvar sem taka á móti málmi, gler og textíl.

Grenndarstöðvar eru staðsettar á eftirfarandi stöðum:

 

Frekari upplýsingar má sjá hér.

Nýjustu fréttir

Úr blaði Eyjafrétta
Trúin og andlegt starf styrkur í sorginni
Íþróttir
Heimir heldur áfram með Írland – samningur til 2028
Fréttir
Vatn loksins farið að renna í laugina
Úr blaði Eyjafrétta
Eyjalistinn tilbúinn – Miðflokkurinn kynnir sinn lista í kvöld
Fréttir
Norlandair með lægsta tilboð í flug til Eyja
Sjávarútvegur
„Hörkufiskirí”
Fréttir
Gular viðvaranir í öllum landshlutum
Skólamál
Viðburðaríkir og skemmtilegir fjölgreindarleikar
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.