Emilíana Erla og Emelía Rós réðust ekki á garðinn þar sem hann er lægstur, verkefnið er; hver eru langvarandi áhrif kynferðisofbeldis á þolendur.
Það er við hæfi að sýna lokaverefni 10. bekkinga í Grunnskóla Vestmannaeyja frá síðasta vori. Þau sýndu lokaverkefni sín í sal Grunnskólans og kom á óvart hversu fjölbreytt þau voru.
Ásta Hrönn, Wanessa Julia, Guðjón Emil og Clara Björt könnuðu áhrif sykurs á ungt fólk og útkoman er að hann er ekki góður. Þau sýndu líka að margt er hollara og jafnvel betra á bragðið án sykurs. Buðu upp á kökur með og án sykurs sem sönnuðu það. Rebekka Rut, Hrafnhildur Sara og Anna Aðalbjörg könnuðu áhrif tónlistar á kvíða og þunglyndi sem er algengara en margur heldur. Niðurstaðan er að tónlist róar, ekki síst hipp hopp og popp. Svo hjálpar klassíkin þegar kemur að því að læra.Valur Elí, Daníel Emil og Ómar Smári æfa lyftingar í Hressó sex sinnum í viku og notuðu tækifærið til að koma boðskapnum á framfæri. Þeir segja hópinn öflugan og stefni hátt.Emilíana Erla og Emelía Rós réðust ekki á garðinn þar sem hann er lægstur, verkefnið er; hver eru langvarandi áhrif kynferðisofbeldis á þolendur.Þær stöllur Alexandra Ósk, Eva og Sara Margrét könnuðu ferðalög Vestmannaeyinga og niðurstaðan er að Spánn og Tenerife eru vinsælustu staðirnir.Tómas Runi, Ólafur Már og Alexander er miklir áhugamenn um pílukast. Hafa æft í nokkur ár og fylgjast vel með því sem er að gerast í pílunni.Magnús Gunnar og Filip Fabian stunda báðir handbolta og efuðust ekki um að ÍBV yrði Íslandsmeistari karla 2023. Þeir könnuðu áhrif Covid á gengi meistaraflokks karla í handbolta.Selma Rós tók fyrir verkefni sem brennur á Eyjafóki, hvaða áhrif hefur skert fæðingaþjónusta á barnshafandi konur í Vestmannaeyjum. Selma Rós segist alltaf hafa haft áhuga öllu sem viðkemur ljósmóðurstarfinu og niðurstaðan er að þetta hefur mikil áhrif á konurnar og fjölskyldur þeirra. M.a. vegna atvinnumissis og erfitt sé fyrir konurnar að fara upp á land að eignast barn.Rebekka Rós kannaði muninn á heilbrigðum samböndum og óheilbrigðum og sagði lítið rætt við unglinga um þessi mál. Unglingar geri sér heldur ekki alltaf grein fyrir því hver munurinn er og niðurstaða hennar er, aldrei að fara að sofa reið, í sambandi eigi fólk ekki að keppa hvert við annað, þið eruð saman og þið eruð jöfn. Sem sagt, stutt en hnitmiðað.Andri og Elís Þór eru báðir í handbolta og þeir veltu því upp hvaða áhrif uppaldir leikmenn hafi á gengi liða í Olís deild karla. Íslandsmeistarar ÍBV karla í handbolta 2023 sýna að góð blanda heimamanna og aðkomuleikmanna skilar árangri.
Af öðrum verkefnum má nefna að Teitur Sindrason, Hákon Tristan Bjarnason og Benóný Þór Benónýsson spurðu, hvernig hafa yfirburðir heimavalla áhrif á frammistöðu liða í NBA? Bernódía Sif spurði, hvað er eftirskóli – er hann tímasóun eða önnur nálgun á lífið? Jón Gunnar Sigurðsson og Sigurður Helgi Kjartansson spurðu hvað er mótorkross? Guðmundur og Kristján Þorgeir veltu því upp af hverju eru rafhlaupahjól góður fararkostur? Erna Sólveig, Anna Sif og Hrafnhildur Hallgrímsdóttir vildu vita hverjir eru helstu áhættuþættir álagsmeiðsla? Kristján Logi og Patrekur Þór vildu vita hvað geri Formúluna svona vinsæla? Birna Dís, Ásdís Halla og Birna María spurðu hvers vegna velur fólk að fara í lýtaaðgerðir? Þá spurði Sarah Elía Ólafsdóttir Tórshamar hvað það er sem gerir áhugaleikhús að leikhúsi.
Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.
Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.
Einkenni sjóveiki eru þreyta, ógleði, svimi, svitakóf og uppköst.
Góð ráð til að hindra sjóveiki:
Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
Forðist áfenga drykki daginn fyrir brottför
Forðist djúpsteiktan, brasaðan eða saltan mat daginn fyrir siglingu.
Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
Forðist mikið koffein. Mikið kaffi er ekki það sem maganum líkar fyrir sjóferð.
Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
Drekkið vel af vatni en einnig er gott er að drekka kóla drykki eða engiferöl í sjóferðinni
Lyf við sjóveiki þ.e. lyf sem slá á einkennin og fást án lyfseðils í apóteki.
Koffínátín – fæst án lyfseðils
Postafen – fæst án lyfseðils
Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.
Önnur ráð:
Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
Piparminta og te eru einnig gömul húsráð við ferðaveiki.
Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.
Hvar í skipinu er best að vera o.fl.
Minna finnst fyrir hreyfingu og veltingi ef maður er staddur næst miðju bátsins.
Mörgum finnst gott að vera í kulda, t.d.að vera úti á dekki og láta vindinn leika um sig.
Matarlykt fer illa í þá sem hætt er við sjóveiki og einnig pústið frá bátnum.
Þungun:
Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing. Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.
