Betri Eyjar – fyrir alla!
Rannveig Ísfjörð

Vestmannaeyjabær er stærsta þjónustufyrirtækið í sveitarfélaginu með fjölþætta, lögbundna, ólögbundna og mikilvæga þjónustu sem nær til allra íbúa. Markmið bæjarins ætti ávallt að vera að þjónusta alla íbúa eins best og hægt er hverju sinni og horfa til framtíðar með heildarhagsmuni að leiðarljósi.

Bæjarmálafélagið Fyrir Heimaey var stofnað fyrir sveitarstjórnarkosningarnar 2018 og var þá með háleit og góð markmið til að bæta þjónustu við íbúa sama á hvaða aldri þeir voru. Það hefur tekist.

Vinnan hjá Fyrir Heimaey er ekki búin heldur er hún rétt að byrja! Á síðustu 4 árum hefur margt gengið á hjá okkur Eyjamönnum eins og mörgum öðrum, meðal annars heimsfaraldur og loðnubrestur sem höfðu þar hvað mestu áhrif. Þrátt fyrir það er verið skila af sér góðu búi í lok þessa kjörtímabils. Búi sem við viljum halda áfram að styrkja og gera enn betur við íbúa en við höfum gert.

Á síðustu fjórum árum er búið að auka þjónustu við íbúa á mörgum sviðum og má þar nefna, tvöföldun á frístundastyrk, snemmtæka íhlutun í leikskólum, 12 mánaða börn geta fengið leikskólapláss, heilsuefling eldri borgara, úthlutun lóða er í sögulegu hámarki, nýir hverfis leikvellir, uppbygging á skólalóðum, stofnaður var þróunarsjóður leik- og grunnskóla, umhverfisstefna mótuð, endurnýjaður samningur um rekstur Herjólfs sem felur í sér minni áhættu fyrir sveitarfélagið, ný slökkvistöð byggð, ný heimasíða tekin í notkun, íbúagáttin komin í fulla virkni og ég gæti haldið endalaust áfram því listinn er langur.

Það eru mörg spennandi verkefni framundan og af nægu að taka og er það stefna Fyrir Heimaey að hér verði fjölskylduparadís þar sem Vestmannaeyjar verður samkeppnishæfur valkostur til búsetu fyrir alla með tilliti til margra þátta og mætti þar nefna húsnæði, atvinnu, menntunar, heilbrigðisþjónustu, frístunda og menningar.

Í stefnuskrá listans er farið yfir hvernig við náum þessum markmiðum á næstu árum.

Stóra markmiðið er að hér verði Betri Eyjar – fyrir alla!

Rannveig Ísfjörð, formaður Bæjarmálafélagsins Fyrir Heimaey og varamaður í fræðsluráði.

– Höfundur skipar 8. sæti á lista Fyrir Heimaey í komandi sveitarstjórnarkosningum

Nýjustu fréttir

Sjávarútvegur
Marsralli um það bil að ljúka
Fréttir
Gul viðvörun fyrir allt landið
Áhugavert
Ljósmyndakeppni fyrir börn og ungmenni
Íþróttir
Íþróttamaður mánaðarins – Birna María
Áhugavert
Þurfa Eyjamenn að taka málin í sínar hendur?
Aðsend grein
Framtíðarsýn – tökum samtalið
Áhugavert
Vestmannaeyjar úti í kuldanum í fjárlagafrumvarpi 2026
Áhugavert
Hátt í 50 metrar á Stórhöfða
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.