Birgir Nielsen bæjarlistamaður Vestmannaeyja
IMG_4727
Birgir Nielsen Birgisson, Birgir Nielsen og Kolbrún Anna Rúnarsdóttir. Eyjar.net/Tryggvi Már

Bæjarlistamaður Vestmannaeyja árið 2024 er Birgir Nielsen. Þetta var tilkynnt við hátíðlega athöfn í Eldheimum í morgun.

Birgi Nielsen þarf vart að kynna en hann hefur frá unga aldri verið viðloðandi tónlist og ákvað snemma á lífsleiðinni að helga lífi sínu þeim starfsvettvangi. Birgir er fæddur árið 1974 og varð því fimmtugur í febrúar síðastliðnum. Hann mætti átta ára gamall í fyrsta trommutímann hjá Guðmundi Steingrímssyni eða Papa Jazz sem var goðsögn í lifanda lífi en stundaði síðar nám hjá Gunnlaugi Briem. Birgir nam við tónlistarskóla FÍH á árunum 1993-1995 og hefur frá árinu 1998 starfað sem slagverkskennari og frá 2018 verið aðstoðarskólastjóri Tónlistarskóla Vestmannaeyja.

Flutti til Eyja í upphafi árs 2010

Frá því að Birgir flutti hingað til Eyja í upphafi árs 2010 hefur hann heldur betur látið til sín taka í tónlistarlífi okkar Eyjamanna. Hann hefur tekið þátt í hinum frægu Eyjatónleikunum í Hörpu frá 2012 – 2023 og lék auk þess með Blítt og létt hópnum á fjölda tónleika á árunum 2009-2019. Nú um helgina fer fram tónlistarhátíðin Hljómey og er Birgir einn af stofnendum þeirrar hátíðar og er auk þess verkefnastjóri hennar. Áherslan þar á bæ er lögð á að fá hæfileikaríkt fólk víða að af landinu og sérstaklega að koma ungu eyjafólki á framfæri.

Komið að gerð fjögurra þjóðhátíðarlaga

Auk þessa hefur Birgir sinnt mörgum trúnaðarstörfum í tónlistinni og starfað með t.d. goslokanefnd, hefur setið í stjórn Leikfélags Vestmannaeyja og gegndi þar formennsku um tíma auk þess sem hann gengdi hlutverki hljómsveitarstjóra 2010-2013. Hjá Leikfélaginu tók hann þátt í uppfærslu á m.a. Konungi ljónanna, Mamma Mía, Banastuði, Grease og Rocky Horror sem vakti verðskuldaða athygli og var valin athyglisverðasta áhugaleiksýning ársins árið 2023 og var sýnt á fjölum Þjóðleikhússins.

Að lokum má nefna að Birgir hefur komið að gerð fjögurra þjóðhátíðarlaga með hljómsveit sinni Landi og sonum, en það voru Í Dalnum, Vinátta, Brim og boðaföll og síðast en ekki síst það þjóðhátíðarlag sem allir landsmenn þekkja og raula með í hvert skipti sem það heyrist – Lífið er yndislegt.

Viðburðaríkt ár hjá Birgi

Árið 2024 verður viðburðaríkt ár hjá Birgi en þá mun þriðja sólóplata hans koma út sem ber nafnið “Eldur” þar sem hljóð úr náttúru Eyjanna skipa stóran sess. Fyrsta verk plötunnar, Whales Of Iceland/Hvalalagið, er þegar komið í dreifingu og hefur vakið verðskuldaða athygli. Þar eru í forgrunni hljóð hnúfubaka við Eyjarnar auk mjaldrasystranna Litlu gráar og Litlu hvítar.

Birgir er ófeiminn við að feta nýjar leiðir í sinni listsköpun með notkun hljóða úr náttúru Eyjanna. Í umsókn sinni vonast Birgir til að geta skapað einstök tónverk sem munu leiða hróður Vestmannaeyja um langan veg og vekja athygli á okkar einstöku náttúru og umhverfi. Framundan hjá Birgi eru áhugaverð  verkefni á vettvangi tónlistar og hefur hann það að markmiði að vinna að einstakri tónlist sem mun hafa djúp áhrif á listasögu og menningu Vestmannaeyja.

Það kom í hlut Njáls Ragnarssonar, formanns bæjarráðs að tilkynna um útnefninguna. Njáll óskaði fyrir hönd bæjarráðs Birgi innilega til hamingju með útnefninguna og sagðist hann hlakka til að fylgjast með listsköpun hans á árinu og í komandi framtíð.

Nýjustu fréttir

Íþróttir
ÍBV hefur leik í Bestu deildinni – tekur á móti FH á Hásteinsvelli
Fréttir
Flugvél frá Icelandair flaug óvenju lágt yfir Eyjum
Samgöngur
Lækkandi ölduhæð og Álfsnesið á leiðinni
Stjórnmál
Spurt og svarað: Erlingur frá Eyjalistanum
Íþróttir
Sandra náði áfanga með íslenska landsliðinu
Sjávarútvegur
Með fullfermi eftir örstutta túra
Fréttir
Friðrik Dór mætir á Þjóðhátíð
Fréttaskýring
Vestmannaeyjar í gegnum linsu liðins tíma
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.