Að venju voru sjómenn sem látið hafa af störfum heiðraðir á hátíð Sjómannadagsins á Stakkó sem Valmundur Valmundsson, formaður Sjómannasambands Íslands stýrði. Þeir sem heiðraðir voru eru Björgvin Þór Björgvinsson, Sigurður Vignisson og Guðmundur Guðlaugsson.
Jötunn Sjómannafélag og Sjómannadagsráð Vestmannaeyja heiðruðu Björgvin Þór, sem stundaði sjóinn í 27 ár. Hann er lögskráður 6189 daga á 27 árum sem eru 230 lögskráðir dagar á ári.
Vm- félag vélstjóra og málmtæknimanna og Sjómannadagsráð Vestmannaeyja heiðruðu Sigurð vélstjóra sem byrjaði á Elliðaey VE 45 með Gísla Sigmars gosárið 1973. Var síðast á Lóðsinum og fór í land í maí.
Sjómannadagsráðs Vestmannaeyja og Skipstjóra- og stýrimannafélagsins Verðandi heiðruðu Guðmund Guðlaugsson skipstjóra sem byrjaði til sjós 14 ára og lauk ferlinum sem skipstjóri á Þórunni Sveinsdóttur VE.
https://eyjar.net/hlynur-mar-heidradur-fyrir-fraekilega-bjorgun/
