Braut gegn leigu­bíl­stjóra á Þjóðhátíð

Karl­maður á fimm­tugs­aldri var í gær dæmd­ur í 45 daga skil­orðsbundið fang­elsi og til að greiða 350 þúsund krón­ur í miska­bæt­ur fyr­ir að hafa áreitt leigu­bíl­stjóra kyn­ferðis­lega í Vest­manna­eyj­um meðan Þjóðhátíð stóð yfir. Maður­inn reyndi meðal ann­ars að grípa utan­k­læða í brjóst og kyn­færi bíl­stjór­ans og viðhafði kyn­ferðis­leg um­mæli, þessu greinir mbl.is frá.

Var kon­an að keyra mann­inn úr Herjólfs­dal þegar hann hóf að áreita hana kyn­ferðis­lega með því að reyna að grípa í brjóst henn­ar og kyn­færi. Gerði hún at­huga­semd­ir við at­hæfi manns­ins og hafi hann að lok­um hætt því. Þegar þau komu á leiðar­enda hafi hann svo ekki viljað borga far­gjaldið og talið það hátt og kallaði kon­an þá á aðstoð lög­reglu.

Kom fram við skýrslu­töku yfir öðrum leigu­bíl­stjór­um að þegar kon­an hefði kallað eft­ir aðstoð hefði hún virst ótta­sleg­in og í miklu upp­námi. Þá hefði hún tjáð tveim­ur bíl­stjór­um sem fyrst komu á vett­vang að maður­inn hefði snert sig og leitað á sig. Þá lýstu vitn­in að hún hefði verið skelf­ingu lost­in og miður sín af hræðslu.

Maður­inn viður­kenndi að hafa rifið kjaft við kon­una og verið dóna­leg­ur þegar hann hefði verið rukkaður um far­gjaldið, sem hon­um þótti of hátt, en hann neitaði að hafa áreitt kon­una. Sagðist hann mögu­lega hafa kallað hana tussu, en tók fram að hann ætti það til að vera ljót­ur í kjaft­in­um. Einnig sagði hann að vel gæti verið að hann hefði spurt brotaþola hvernig hún væri í ból­inu. Við ákvörðun sína seg­ir í dóm­in­um að stuðst sé við að framb­urður kon­unn­ar hafi verið sam­hljóða hjá lög­reglu og dómi og þótt trú­verðugur. Þá renni framb­urður vitna stoðum und­ir frá­sögn henn­ar. „Að þessu virtu þykir dóm­in­um sannað að ákærði hafi í um­rætt sinn gerst sek­ur um þá hátt­semi sem í ákæru grein­ir,“ seg­ir í dóm­in­um.

Málið kom fyrst á borð lög­reglu 1. ág­úst 2015, en ákæra var ekki gef­in út fyrr en 1. mars á þessu ári. Seg­ir í dóm­in­um að töf þessi á meðferð máls­ins sé ekki rétt­lætt á neinn hátt og verði ekki rak­in til manns­ins. Sem fyrr seg­ir var maður­inn einnig dæmd­ur til að greiða kon­unni 350 þúsund krón­ur í miska­bæt­ur, en hún hafði farið fram á 500 þúsund krón­ur.

Nýjustu fréttir

Íþróttir
Eyjamenn sóttu þrjú mikilvæg stig norður
Áhugavert
„Við erum ótrúlega stolt af ykkur“
Myndband
Mikill ferðamannastraumur um helgina – myndband
Úr blaði Eyjafrétta
Heimir og Særún heilluðust af Vestmannaeyjum
Íþróttir
Glæsilegu TM móti lokið – Þróttur R. varð TM móts meistari
Íþróttir
ÍBV getur farið upp fyrir Þór
Áhugavert
Sýndu fjölbreytni, metnað og sköpunargleði
Íþróttir
ÍBV stelpurnar gerðu jafntefli við Þrótt R.
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.