ÁtVR – Átthagafélag Vestmanneyinga í Reykjavík vekur athygli á tónleikunum Ég skal syngja fyrir þig sem fram fara í Salnum í Kópavogi 27. febrúar.

Söngurinn er í höndum Einars Ágústs, sem þekktur er fyrir veru sína í Skítamóral, auk þess að hafa meðal annars sungið með Pöpunum og farið fyrir hönd Íslands í Eurovision árið 2000 með laginu Tell Me.

Eyjamenn leika undir og syngja raddir. Í hljómsveitinni eru Gísli Stefáns, Biggi Nielsen, Dúni Geirs, Sæþór Vídó, Þórir Ólafs og Jarl Sigurgeirs.

Á tónleikunum verða flutt lög við texta Jónasar Friðriks, sem á sinni ævi samdi texta fyrir Ríó Tríó, Sléttuúlfana, HLH-flokkinn, Ðe lónlí blú bojs, BG & Ingibjörgu og Björgvin Halldórsson, svo dæmi séu tekin.

Þar má nefna lög á borð við Dýrið gengur laust, Áðan í útvarpinu, Verst af öllu, Veisla á hóli, Góða ferð, Litli kall, Þrír litlir krossar, Diggi liggi ló, Kærastan kemur til mín og að sjálfsögðu stórsmellinn Ég skal syngja fyrir þig.

Fyrir áhugasama er hlekkur á miðasölu hér.