Framlög til Heilbrigðisstofnunar Vestmannaeyja, HSV lækka um 85,3 milljónir á milli ára, samkvæmt fjárlagafrumvarpi ríkisstjórnar Sjálfstæðis- og Framsóknarflokksins. Lætur nærri að niðurskurður til stofnunarinnar á milli ára sé um 11%, úr 750 milljónum í 664,9 milljónir. Samkvæmt bréfi ráðherra til sveitastjórna á Suðurlandi, er stefnt að því að sameina heilbrigðisstofnanir í landshlutanum en þetta kemur einnig fram í frumvarpinu. Ef litið er til 85,3 milljón króna niðurskurðar til HSV má leiða líkum að því að færa eigi hluta starfsemi stofnunarinnar annað.