Eyjalistinn hræðist ekki að bjóða betri þjónustu 

Ég hlustaði á útvarpsþátt í gær þar sem tveir oddvitar og einn frambjóðandi flokkanna sem bjóða sig fram í Vestmannaeyjum ræddu saman. Þar talaði oddviti Sjálfstæðisflokksins um það að þeim fannst meirihlutinn hafa forgangsraðað öðruvísi en þau hefðu gert á kjörtímabilinu. Það var þá sem ég hugsaði hvað það var nú gott að Eyjalistinn var í meirihluta þessi 4 ár. Því ef minnihlutinn hefði fengið að ráða þá er ég hrædd um að lítið hefði verið bætt í þjónustu bæjarins. Ætli það hefði nokkuð verið boðið upp á heilsueflingu fyrir 65 ára og eldri? Ætli starf fjölmenningarfulltrúans hefði nokkuð orðið að veruleika? Þar sem þeim fannst á þeim tíma við bara geta bætt því verkefni á aðra starfsmenn bæjarins. Ætli íþrótta-, tómstunda- og æskulýðsfulltrúinn hefði verið endurvakinn? Haldið þið að það hefði verið bætt í stoðþjónustu grunnskólans? Haldið þið að það hefði verið sett aukafjármagn í skólana til þess að hefja innleiðingu á tækninni? Ætli minnihlutinn hefði gert upp alla þessa leikvelli sem þeir voru búnir að útrýma á árum áður? Þetta og svo ótal margt fleira var bætt í á þessum 4 árum. Ég vil samt að það komi fram að  með þessum vangaveltum mínum er ég ekki að meina að minnihlutinn hafi verið á móti þegar kom að því að taka þessar ákvarðanir en eftir að hafa hlustað á oddvita Sjálfstæðisflokksins í gær þá er ég fullviss um að ef Sjálfstæðisflokkurinn hefði verið í meirihluta þá hefðu þeir aldrei haft frumkvæði af þessari þjónustuaukningu hjá bænum af því að þeir hefðu forgangsraðað öðruvísi og safnað peningunum á bók. 

 

Við þorðum að bjóða betur og munum halda því áfram ! 

 

Helga Jóhanna Harðardóttir 

  1. sæti Eyjalistans

Nýjustu fréttir

Úr blaði Eyjafrétta
Kokkurinn heldur áhöfninni gangandi  
Áhugavert
Þegar þú lend­ir í svona ferðu að hugsa hlut­ina allt öðru­vísi
Fréttir
Álfsnes úr leik vegna bilunar
Stjórnmál
Trausti opnar kosningaskrifstofu í gamla TM Húsinu
Áhugavert
Strangar kröfur í útboði heilsuræktar vekja ágreining í bæjarstjórn
Stjórnmál
Davíð Oddsson fallinn frá
Íþróttir
ÍBV strákarnir urðu einnig Powerade bikarmeistarar í 3. flokki
Samgöngur
Dýpið mælt í Landeyjahöfn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.