Eyjamaðurinn - Þökkum öllum sem hafa lagt okkur lið

Björgunarfélag Vestmannaeyja stendur á tímamótum nú þegar nýr  og öflugari björgunarbátur er kominn í heimahöfn. Arnór Arnórsson formaður Björgunarfélgs Vestmannaeyja er Eyjamaður vikunnar að þessu sinni.

 

Fullt nafn: Arnór Arnórsson

Fjölskylda: Giftur Hildi Björk og eigum saman tvo drengi Bjarka Pál og Arnór Pál.

Hefur þú alltaf búið í Eyjum: Nei ég bjó í Kópavogi í tvö ár á meðan ég var í skóla í borginni.

Mottó: Þú ert ekki tré. Ekki gera í dag það sem þú getur gert á morgun.

Síðasta hámhorfið: Stranger Things, vorum að klára það.

Uppáhalds hlaðvarp? Draugar fortíðar.

Aðaláhugamál: Fjölskyldan, ferðalög erlendis og bjór.

Eitthvað sem þú gerir á hverjum degi sem þú gætir ekki verið án: Tannbursta og kaffi.

Hvað óttast þú mest: Að missa af einhverju.

Hvaða tónlist kemur þér í gott skap: Country, KK, Ljótu Hálfvitarnir

Hvaða ráð myndir þú gefa 18 ára þér sem veganesti inn í lífið: Ekki hætta að læra. Taktu öll þau námsskeið sem þér bjóðast og aldrei segja nei ef einhver stingur upp á utanlandsferð.

Hvað er velgengni fyrir þér: Eiga fjölskyldu og vini sem styðja við þig, hafa skjól yfir höfuðið og mat fyrir fjölskylduna.

Hvað hefur þú verið lengi í Björgunarfélaginu? Síðan 2005

Hverju breytir þetta nýja skip fyrir ykkur? Fyrst og fremst öryggi sjálfboðaliðans og aðbúnaðurinn um borð. Gamla skipið hefur skilað sínu en höndlar ekki orðið álagið í útköllum.

Hvernig hefur fjármögnun gengið? Fjármögnunin hefur ekki gengið eins vel og við vonuðumst eftir. Vestmannaeyjabær hefur algjörlega bjargað okkur en okkur vantar enn 35 milljónir upp í okkar hlut í skipinu. Sjóvá kom sterkt inn í þetta með SL en það borgaði Landsbjargarpartinn nánast í þrjú skip. Þetta er náttúrulega landsdekkandi verkefni og er þetta bara fyrsta skip af vonandi 13. Við lögðum upp í þetta verkefni með því hugarfari að þetta myndi ekki hafa áhrif á annan rekstur félagins hjá okkur og við vonum að við náum að halda því þannig.

Hvað verður um gamla bátinn? Hann fer á sölu fljótlega. Við þekkjum vel inn á hann og viljum hafa hann hjá okkur á meðan við lærum á nýja skipið.

Eitthvað að lokum? Við viljum þakka öllum þeim sem hafa lagt okkur lið í þessu verkefni okkar og tóku þátt í móttökuathöfninni með okkur.

 

Nýjustu fréttir

Vinnslustöðin
„Meira af loðnu en maður hefur séð í langan tíma“
Aðsent
Eyjalistinn boðar til félagsfundar
Stjórnmál
Góð aðsókn á fundi Eyþórs
Íþróttir
Karla- og kvennalið ÍBV töpuðu í Lengjubikarnum
Myndband
Heimaey í dag
Fréttatilkynning
Besta rekstrarafkoma í 15 ár
Sjávarútvegur
Vel heppnaðri loðnuvertíð að ljúka
Aðsent
Utankjörfundar atkvæðagreiðsla á Hraunbúðum og sjúkrahúsi
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.